Na U Etsa Sohle Seo U ka se Khonang Hore U Sebelise Likarete Tsa Boitsebiso Tsa JW.ORG?

Kaha matšoenyeho a maholo aa atamela re lokela ho etsa mosebetsi oa boboleli ka potlako. (Lipr 24:​11, 12, 20) Re ka sebelisa karete ea boitsebiso ho thusa batho ho ithuta Lentsoe la Molimo le ho kena websaeteng ea rōna. Karete eo e na le letšoao leo ha motho a le skena le mo lebisang videong ea Ke Hobane’ng ha U Lokela ho Ithuta Bibele? E boetse e na le mantsoe a khothalletsang batho ho kōpa thuto ea Bibele kapa ho fumana lintlha tse eketsehileng. Batho ba bang ha ba rate ho nka lingoliloeng tsa rōna empa ba thabela ho kena websaeteng ea rōna. Kahoo u se ke ua qeaqea ho ba fa karete ea boitsebiso. Leha ho le joalo, ha rea lokela ho fa batho ba sa thahaselleng karete ea boitsebiso.

Ha u ntse u etsa mesebetsi ea hao ea letsatsi le letsatsi, u ka qala moqoqo le motho ka ho re: “ho na le ntho eo ke batlang ho u fa eona. Karete ena e tla u lebisa websaeteng e nang le livideo le lihlooho tse sa tšoaneng.” (Joh 4:7) Kaha likarete tsa boitsebiso li nyane, u ka lula u e-na le tsona e le hore u tl’o khone ho li fa batho ha monyetla o hlaha.