Ho Ntlafatsa Bokhoni ba Rona Boboleling Ka ho Lebisa Batho Websaeteng ea Rona ea JW.ORG/ST

KE HOBANE’NG HA HO LE BOHLOKOA?: Sengoliloeng se seng le se seng se teng ka har’a Lintho Tsa Bohlokoa Tseo re Rutang ka Tsona se lebisa batho websaeteng ea rona ea jw.org/st. Ha e le hantle, morero o ka sehloohong oa karete ea rona ea boitsebiso le pampitšana ea Re ka Fumana Likarabo Tsa Lipotso Tsa Bohlokoa Bophelong Hokae? ke ho lebisa batho websaeteng ea rona. U ka sebelisa websaete ea rona ea jw.org/st ha u fa motho sengoliloeng se fumanehang ka har’a Lintho Tsa Bohlokoa Tseo re Rutang ka Tsona, ka ho mo romella sona ka e-mail kapa ka ho mo romella link. Ho etsa joalo ho ka u thusa haholo ha u buisana le motho ea buang puo eo u sa e tsebeng. Hape, batho ba ka botsa lipotso tseo likarabo tsa tsona li leng sieo ka lingoliloeng tse ka har’a Lintho Tsa Bohlokoa Tseo re Rutang ka Tsona. Mosebetsi oa rona oa boboleli o ka beha litholoana tse ntle haeba re lebisa batho websaeteng ea rona.

KAMOO RE KA HO ETSANG KATENG:

• 

  Sebelisa karolo ea “LITHUTO TSA BIBELE”. Mohlomong u ntse u bua le motsoali ea batlang ho tseba kamoo a ka holisang bana ba hae kateng. E-ea ho LITHUTO TSA BIBELE > BANYALANI LE BATSOALI.

• Sebelisa karolo ea “LINGOLILOENG”. Mohlomong u sekolong ’me u ntse u etsa bopaki bo sa reroang joale u batla ho bontša moithuti ’moho le uena bukana ea Likarabo Tsa Lipotso Tse 10 Tseo Bacha ba li Botsang. E-ea ho LINGOLILOENG > LIBUKA LE LIBUKANA.

• Sebelisa karolo ea “MABAPI LE RONA”. Mohlomong u ntse u buisana le mosebetsi ’moho le uena ka Bibele ea batlang ho tseba ho se hokae ka seo re se lumelang. E-ea ho MABAPI LE RONA > LIPOTSO TSE BOTSOANG HANGATA KA LIPAKI TSA JEHOVA.

SHEBELLA VIDEO EA HO LEBISA BATHO WEBSAETENG EA JW.ORG/ST, E BE U BONA HORE NA U KA EA HOKAE WEBSAETENG ENA HA U LEKA HO THUSA:

• motho ea sa rateng bolumeli

• motho ea sa tsoa hlaheloa ke mathata

• mora kapa morali’abo rona ea seng a sa kopanele

• motho eo u ithutang le eena ea ipotsang hore na mosebetsi oa rona o tšehetsoa joang ka lichelete

• motho ea tsoang naheng e ’ngoe joale a batla ho ea libokeng ha a fihla naheng ea habo