Tsoela Pele ho Leta ka Mamello

E se e le nako e kae u letetse hore ’Muso oa Molimo o fihle? Na esale u ntse u mamelletse ho sa tsotellehe mathata? (Bar 8:​25) Bakreste ba bang baa hlorisoa, ba koalloa lichankaneng ebile ba tšosoa ka hore ba tla bolaoa. Ba bang ba bangata ba na le mathata a kang ho kula le botsofali.

Re ka thusoa ke eng hore re ’ne re mamelle le tlas’a mathata a boima? Re lokela ho matlafatsa tumelo ea rona ka hore re bale Bibele kamehla re be re thuise ka seo re ithutileng sona. Re lokela ho boloka tšepo ea rona ka bokamoso e tiile. (2Ko 4:​16-18; Heb 12:2) Re lokela ho kopa Jehova hore a re fe moea o halalelang. (Lu 11:​10, 13; Heb 5:7) Ntate oa rona ea lerato a ka re thusa hore re ‘mamelle ka botlalo re be re tiisetse ka thabo.’​—Kol 1:11.

SHEBELLANG VIDEO EA MATHA KA MAMELLO​—KHOLISEHA HORE U TLA FUMANA MOPUTSO. EBE LE ARABA LIPOTSO TSE LATELANG:

• 

  Re ka hlaheloa ke lintho life bophelong? (Moe 9:11)

• 

  Thapelo e re thusa joang ha re e-na le mathata?

• 

  Haeba re se re sa khone ho etsa ho hongata tšebeletsong ea Jehova joaloka pele, ke hobane’ng ha re lokela ho khotsofalla seo re khonang ho se etsa?

• 

  Ke’ng e re kholisang hore re tla fumana moputso?