Thusa Motho eo U Ithutang Bibele le Eena Hore a Khaotse Mekhoa e Mebe

Batho ba mamelang melao ea Jehova ke bona feela bao e ka bang metsoalle ea hae. (1Pe 1:14-16) Ha batho bao re ithutang Bibele le bona ba tlohela mekhoa ea bona e mebe, seo se tla ba thusa hore ba phele hantle ’meleng, ba sebelise chelete hantle le ho ba le malapa a thabileng.

Hlalosa melao ea Jehova ea boitšoaro ka ho hlakileng, u bontše hore na ke hobane’ng ha ho le bohlokoa hore re e mamele le hore na ke hobane’ng ha Jehova a re file eona. Ba thuse hore ba fetole tsela eo ba nahanang ka eona ’me seo se tla ba thusa hore ba etse seo Jehova a batlang hore ba se etse. (Ef 4:22-24) Ba kholise hore ba ka khona ho khaotsa mekhoa e mebe ka thuso ea Jehova. (Fil 4:13) Ba rute hore ha ba lekeha ho etsa sebe ba lokela ho rapela Jehova ka tieo. Ba thuse hore ba hlokomele maemo a ka etsang hore ba etse se fosahetseng le hore ba a qobe. Ba khothalletse ho etsa lintho tse tla ba tsoela molemo ho e-na le ho etsa lintho tse fosahetseng. U tla thaba haholo ha u bona motho eo u ithutang Bibele le eena a etsa liphetoho ka lebaka la thuso ea Jehova.

SHEBELLANG VIDEO EA THUSA MOTHO EO U ITHUTANG BIBELE LE EENA HORE A KHAOTSE MEKHOA E MEBE EBE LE ARABA LIPOTSO TSE LATELANG:

• 

  Baholo le Nteboheleng ba ile ba bontša joang hore ba tšepa Lipontšo?

• 

  Nteboheleng o ile a boela a thusa Lipontšo joang?

• 

  Lipontšo o ile a batla thuso ea Jehova joang?