Metsoalle ea Hao Inthaneteng ke Bo-mang?

Lentsoe motsoalle le bolela ea “khomarelang e mong ka lebaka la lerato kapa tlhompho.” Ka mohlala, Jonathane le Davida e ile ea e-ba metsoalle e matla ka mor’a hore Davida a bolaee Goliathe. (1Sa 18:1) Banna bana ka bobeli ba ne ba e-na le makhabane a ratehang a neng a etsa hore ba thabele ho ba metsoalle. Kahoo e le hore setsoalle sa lona se be matla u lokela ho tseba motsoalle oa hao hantle. Ho hlokahala nako le boiteko hore u tsebe motho hantle. Motho a ka ba le metsoalle mecheng ea puisano ka motsotsoana feela. Kaha batho ba nahana esale pele hore na ba tla re’ng, ba beha lintho tse tla etsa hore batho ba ba shebe ka tsela e itseng ’me seo se ka etsa hore ba pate seo ba leng sona. Kahoo ho molemo hore u ipehele moeli hore na u tla ba le metsoalle ea mofuta ofe. Haeba motho eo u sa mo tsebeng a batla ho ba motsoalle oa hao Inthaneteng u se ke oa tšaba ho hana hobane u nahana hore seo se tla mo utloisa bohloko. Ka lebaka la likotsi tse bang teng, batho ba bang ba khethile ho se sebelise marang-rang ka ho feletseng. Leha ho le joalo, ke’ng seo u lokelang ho lula u se hopola haeba u khetha ho sebelisa marang-rang?

SHEBELLANG VIDEO EA E-BA BOHLALE HA U ETSA METSOALLE INTHANETENG EBE LE ARABA LIPOTSO TSE LATELANG:

• 

  Ke’ng seo u lokelang ho nahana ka sona pele u beha litšoantšo kapa u ngola ntho e itseng Inthaneteng?

• 

  Ke hobane’ng ha u lokela ho khetha metsoalle ka bohlale Inthaneteng?

• 

  Ke hobane’ng ha u lokela ho ipehela nako eo u tla e qeta u sebelisa marang-rang?​—Ef 5:15, 16