Kamoo U ka Sebelisang Mehlala ea Seo U ka se Buang le Batho

Bara babo rona ba sebetsa ka thata ho hlophisa mehlala ea seo re ka se buang le batho ’me e thusitse bahoeletsi ba bangata tšimong. Leha ho le joalo, bahoeletsi ba lokolohile hore ba ka sebelisa mekhoa e fapaneng ha ba le tšebeletsong ea bona hobane maemo a libaka aa fapana. Empa kaofela ha rona re lokela ho mamela litaelo tse tšoanang ha ho e-na le letšolo le khethehileng. Sepheo sa rona ke ho mamela taelo ea Jesu ea hore re bolelle batho litaba tse molemo tsa ’Muso.​—Mat 24:14.

Ha bahoeletsi ba fana ka lipuo, ba lokela ho sebelisa mehlala ea seo u ka se buang le batho e hlahang ho Bukana ea Bophelo le Tšebeletso. Haeba maemo a sa lumele, ba ka sebelisa potso leha e le efe e ’ngoe, ba ikhethela lengolo leo ba tla le bala kapa potso eo ba tla e siea e tla ama batho ba moo ba lulang teng. Tataiso e neng e hlahile bukaneng ea seboka ea June 2020 leqepheng la 8, e se e tla nkeloa sebaka ke ena e ncha.