PHELA JOALOKA MOKRESTE
Jehova o Bona Lintho Tse Ntle Tseo U li Etsang
“Jehova o rata batho ba hae.” (Ps 149:4) Le hoja re sa phethahala, o bona makhabane a rona le lintho tseo re ka khonang ho li etsa. Empa ka linako tse ling re ka ’na ra thatafalloa ke ho hlokomela lintho tse ntle tseo re li etsang. Ho ka etsahala hore re ikutloe re se na thuso ka lebaka la tsela eo batho ba bang ba re tšoarang ka eona. Re ka ’na ra thatafalloa ke ho lumela hore Jehova oa re rata haeba re ile ra etsa liphoso nakong e fetileng. Ke’ng e ka re thusang ha re ikutloa ka tsela eo?
Hopola hore Jehova o bona lintho tseo batho ba ke keng ba khona ho li bona. (1Sa 16:7) Taba ena e bolela hore o bona lintho tse ntle tseo re li etsang le hoja rona rona re sa li bone. Ke ho thabisang hore ebe Bibele e re thusa ho utloisisa hore na Jehova o ikutloa joang ka rona. Re ka utloisisa sena ha re bala litemana tsa Bibele le litlaleho tse bontšang kamoo Jehova a ratang barapeli ba hae kateng.
SHEBELLANG VIDEO EA IKHOLISE HORE JEHOVA OA U RATA EBE LE ARABA LIPOTSO TSE LATELANG:
Papiso ea motho ea mathang le ntate oa hae e re ruta hore Jehova o ikutloa joang ka rona?
Motho ea entseng sebe se tebileng a ka ikholisa joang hore Jehova oa mo rata ha a ntse a etsa lintho tse tla mo thusa ho lokisa setsoalle sa hae le eena?—1Jo 3:19, 20
Mor’abo rona o fumane melemo efe ha a ntse a bala le ho nahanisisa ka tlaleho ea Davida le ea Josafate?