Ke Lintho Life Tseo U Batlang ho li Finyella Selemong se Secha sa Tšebeletso?

Lintho tseo re batlang ho li finyella tse amanang le borapeli ba rona li akaretsa ntho e ’ngoe le e ’ngoe eo re sebetsang ka thata ho e fihlela e le hore re ka sebeletsa Jehova haholoanyane le ho mo thabisa. Lintho tsena li re thusa hore re be Bakreste ba tiileng. Kaha li bohlokoa haholo, ho loketse hore re ka sebelisa nako ea rona le matla a rona ho li finyella. (1Ti 4:15) Ke hobane’ng ha re lokela ho lula re hlahloba lintho tseo re batlang ho li finyella tse amanang le borapeli ba rona? Hobane maemo a fetoha. Ho ka etsahala hore ntho eo re neng re batla ho e finyella e se e ke ke ea khoneha kapa re se re e finyelletse ’me re lokela ho ipehela e ’ngoe.

Nako e ntle ea ho hlahloba lintho tseo u batlang ho li finyella ke ha selemo sa tšebeletso se qala. Le ka buisana ka lintho tsena nakong ea borapeli ba lelapa ’me le ipehele lintho tseo le ka li finyellang le le lelapa kapa motho ka bomong.

Linthong tse bontšitsoeng ka tlase, ke life ka ho khetheha tseo u batlang ho li finyella ’me ke lintho life tseo u ikemiselitseng ho li etsa e le hore u li finyelle?