Ke Hobane’ng ha re Lokela ho Rapela ka Lebitso la Jesu?
Karabo ea Bibele
Re lokela ho rapela Molimo ka lebitso la Jesu hobane ke eona tsela feela eo Molimo a e amohelang ea ho Mo rapela. Jesu o ile a re: “Ke ’na tsela le ’nete le bophelo. Ha ho ea tlang ho Ntate haese ka ’na.” (Johanne 14:6) Jesu o ile a boela a re ho baapostola ba hae ba tšepahalang: “Kannete-nete ke re ho lōna, Haeba le kōpa Ntate ntho leha e le efe o tla le fa eona ka lebitso la ka.”—Johanne 16:23.
Mabaka a mang a ho rapela ka lebitso la Jesu
Re hlompha Jesu le Ntate oa hae, Jehova Molimo.—Bafilipi 2:9-11.
Re bontša hore re ananela lefu la Jesu e le tokisetso ea Molimo ea hore re pholohe.—Matheu 20:28; Liketso 4:12.
Re hlokomela karolo e khethehileng eo Jesu a e phethang joaloka ’Muelli pakeng tsa Molimo le batho.—Baheberu 7:25.
Re hlompha mosebetsi oo Jesu a o etsang joaloka Moprista ea Phahameng ea ka re thusang hore re be le kamano e ntle le Molimo.—Baheberu 4:14-16.