Na Basali ba Lipaki Tsa Jehova le Bona Baa Ruta?

E, baa ruta. Lipaki tsohle Tsa Jehova lia ruta, kapa ke basebeletsi—ho akarelletsa le basali ba limilione. Joalokaha Bibele e ile ea bolela esale pele, “basali ba bangata ba bolela litaba tse molemo.”—Pesaleme ea 68:11, NET Bible.

Basali ba Lipaki Tsa Jehova ba etsisa basali ba mehleng ea Bibele. (Liproverbia 31:10-​31) Le hoja ba sa etelle pele ka phuthehong, ba kopanela ka botlalo tšebeletsong ea boboleli. Ba boetse ba ruta bana ba bona melao-motheo ea Bibele. (Liproverbia 1:8) Basali ba Lipaki ba leka ka matla hore seo ba se buang le seo ba se etsang se tsoele ba bang molemo.—Tite 2:3-5.