Naletsana

a Ka 1894, Moena Russell o ile a lokisetsa hore Zion’s Watch Tower Tract Society e rome baena ba tšoanelehang e le libui. Ba ile ba fuoa lisetifikeiti tse saennoeng hore ba li sebelise ha ba itsebisa ho lihlopha tsa sebaka ka seng. Lisetifikeiti tsena li ne li sa fane ka matla a ho ruta leha e le hore li ne li bontša hore seo beng ba tsona ba se buang se lokela ho amoheloa ntle le ho hlahlobisisoa ka nepo tumellanong le Lentsoe la Molimo. Leha ho le joalo, kaha batho ba bang ba ile ba sokamisa morero oa tsona, ka mor’a selemo Moena Russell o ile a re lisetifikeiti tseo li khutlisetsoe ho eena. Ka hloko o ile a leka ho qoba ntho leha e le efe eo batho ba shebelletseng ba neng ba tla e hlalosa e le tšobotsi e tšoanang le ea sehlopha sa baruti.