Naletsana

k Ha leetsi la Segerike khei·ro·to·neʹo le hlalosoa joaloka le bolelang feela ‘ho khetha ka ho sarolla letsoho,’ le sitoa ho hlokomela moelelo oa morao oa lentsoe leo. Ka hona, A Greek-English Lexicon, ea Liddell le Scott, e hlophisitsoeng ke Jones le McKenzie eaba e hatisoa bocha ka 1968, e hlalosa lentsoe lena e le le bolelang “ho otlolla letsoho, ka morero oa ho vouta pokanong e itseng . . . II. c. acc. pers. [ha le sebelisoa ho motho], ho khetha, ka nepo ka ho phahamisa matsoho . . . b. hamorao, ka tloaelo, le bolela ho thonya, . . . ho thonya bakeng sa tšebeletso e itseng ka Kerekeng, [pre·sby·teʹrous] Lik. Baap. [Liketso tsa Baapostola] 14.23.” Tšebeliso eo ea morao e ne e tloaelehile mehleng ea baapostola; lentsoe lena le ile la sebelisoa ka kutloisiso eo ke rahistori oa Mojode Josephus ho Jewish Antiquities, Buka 6, khaolo 4, serapa 2, le khaolo 13, serapa 9. Sebōpeho sa puo ka bosona ho Liketso 14:23 Segerikeng sa pele se bontša hore Pauluse le Barnabase ke bona ba neng ba etsa se boletsoeng moo.