Naletsana

l Hamorao selemong sona seo, ka 1938, Organization Instructions, e ileng ea hatisoa e le pampitšana e maqephe a mane, e ile ea fana ka makolopetso a eketsehileng. E ile ea hlalosa hore phutheho ea sebaka ka seng e lokela ho khetha komiti e tla etsa lintho lebitsong la eona. Komiti eo e ne e tla hlahloba baena motheong oa litšoaneleho tse boletsoeng ka Mangolong ebe e etsa lipuello ho Mokhatlo. Ha baemeli ba tsamaeang ba Mokhatlo ba etela liphutheho, ba ne ba hlahloba litšoaneleho tsa baena ba sebaka ka seng le botšepehi ba bona ha ba hlokomela likabelo tsa bona. Lipuello tsa bona le tsona li eloa hloko ke Mokhatlo ha o khetha ba tšoanelehang.