Naletsana

c Ka linako tse ling lihlopha tsa sebaka ka seng li ne li bitsoa “likereke,” tumellanong le puo e sebelisitsoeng ho King James Version. Li ne li boetse li bitsoa liphutheho, tumellanong le lentsoe le sebelisitsoeng tabeng ea Bibele e ngotsoeng ka Segerike. Lentsoe le reng “lihlopha” le lona ka ho tšoanang le ile la sebelisoa, hobane ha e le hantle e ne e le lihlopha tsa liithuti tse bokanang hammoho ka mehla bakeng sa ho ithuta. Hamorao, ha li se li bitsoa makhotla, sena se ne se bonahatsa hore ba hlokomela hore ba ntoeng ea moea. (Bona Pesaleme ea 68:11, KJ, mongolo o ka thōko ho leqephe.) Ka mor’a ho hatisoa ha New World Translation of the Christian Greek Scriptures ka 1950, lentsoe la Bibele la puo ea kajeno “phutheho” le ile la sebelisoa ka ho tloaelehileng linaheng tse ngata.