Naletsana

a Salathiele o hlaha letotong la Mattheu le la Luka, ’me ho fanoa ka maikutlo a hore Zorobabele e ne e le mora oa hae. Leha ho le joalo, ho bonahala hore Salathiele o ile a thathamisoa feela ho nka sebaka sa e mong. Liithuti tse seli tsa tlaleho e feletseng ea lesika leo Jesu a tsoileng ho lona li hlokomela hore Zorobabele ha a ea tsoaloa ke Salathiele empa o tsoetsoe ke Pedaia, ngoan’abo Salathiele. (1 Likronike 3:19) Empa ho na le lebaka leo ka lona Mattheu le Luka ba ngotseng Salathiele tlas’a tataiso ea moea o halalelang oa Jehova. Mohlomong o ile a nkela Zorobabele ka lapeng ha hae haeba Pedaia o ile a shoa moshemane a sa le monyenyane; kapa haeba Salathiele o ile a shoa pele a e-ba le mora, mohlomong Pedaia o ile a kenela mosali oa hae, a tsoala Zorobabele ka lebitso la ngoan’abo Salathiele.