Naletsana

a Har’a tse ling, taba ena e ile ea re: “Le ka mohla ha ho e-s’o ka ho e-ba le bopaki ba ’nete bo pharalletseng joaloka bo bileng teng lilemong tse seng kae tse fetileng. . . . Masala a ba tlisetsa molaetsa oa thabo, ’me a re ho bona: ‘’Me mang kapa mang ea ratang, a ke a inkele metsi a bophelo ntle le tefello.’ Ba bolelloa hore joale ba ka nka khato ea ho ema ka lehlakoreng la Morena, ’me ba amohela tlhohonolofatso, khahlanong le Diabolose. Na hase sehlopha se joalo sa batho seo hona joale se ka batlang boikokobetso le ho loka, ’me sa patoa letsatsing la ho senoloa ha khalefo ea hae, eaba se fetisetsoa ka ’nģane ho ntoa e khōlō ea Harmagedone ’me sa phela ka ho sa feleng se sa shoe? (Sof. 2:3) . . . Sehlopha sa masala a tšepahalang se kopanela memong e bontšang mohau ’me se re, ‘Tloo.’ Molaetsa ona o lokela ho phatlalatsoa ho ba laba-labelang ho loka le ’nete. Hoo ho tlameha ho etsoa hona joale.”