Naletsana

a Bafarisi ba ne ba ikarabella haholo ka sebōpeho sa Tsamaiso ea Bolumeli ea Sejuda e leng teng kajeno, ka hona ha ho makatse hore ebe Tsamaiso ea Bolumeli ea Sejuda e ntse e batla likheo lithibelong tsa eona tse ngata tsa Sabatha tse kenyelelitsoeng. Ka mohlala, motho ea etelang sepetlele sa Bajuda sa orthodox ka Sabatha a ka ’na a fumana hore lift ea ikemisa mokatong o mong le o mong e le hore ba e palameng ba ka qoba ho etsa “mosebetsi” oo e leng sebe oa ho penya konopo ea lift. Lingaka tse ling tsa orthodox li ngola meriana ka enke e tla hlakoha ka mor’a matsatsi a seng makae. Hobane’ng? Mishnah e beha ho ngola sehlopheng sa “mosebetsi,” empa e hlalosa “ho ngola” e le ho siea letšoao le tšoarellang.