Naletsana

c Moo meetlo ea lepato e ka ’nang ea hlahisetsa Mokreste liteko tse matla teng, baholo ba ka lokisetsa liithuti tse eang kolobetsong boemo bo ka ’nang ba hlaha nakong e tlang. Ha ba kopana le bana ba bacha ho tla tšohla lipotso tse tsoang bukeng ea Ho Hlophisetsoa ho Phetha Tšebeletso ea Rōna, likarolo tse buang ka “Moea, Sebe le Lefu” le “Tumelo e Kopanetsoeng” li lokela ho eloa hloko ka ho fetisisa. Likarolo tsena ka bobeli li na le lipotso tse ka ’nang tsa tlōloa puisanong. Mona ke moo baholo ba ka fanang ka boitsebiso bo mabapi le meetlo ea lepato eo e seng ea Mangolo e le hore seithuti se eang kolobetsong se ka tseba seo Lentsoe la Molimo le se hlokang ho sona haeba se ka talimana le maemo a joalo.