Naletsana

a Polelo ena ea Jesu e lokisa maikutlo a fosahetseng ao Libibele tse ling li fanang ka ’ona ha li fetolela poleloana “ho ba teng.” Libibele tse ling li e fetolela e le “ho tla,” “ho boea,” kapa “ho khutla,” e leng mantsoe ao kaofela a bolelang ketsahalo ea nako e khutšoanyane. Leha ho le joalo, hlokomela hore Jesu o ne a sa tšoantše ho ba teng ha hae le Moroallo oa mehleng ea Noe, e leng ketsahalo ea nako e itseng feela, empa o ile a ho tšoantša le “matsatsi a Noe,” e leng nako e telele ea liketsahalo tse mahlonoko. Joaloka nakong eo ea boholo-holo, ho ba teng ha Kreste e ne e tla ba nako e telele eo ka eona batho ba neng ba tla phathahana ka mesebetsi ea letsatsi le letsatsi hoo ba sa natseng temoso eo ba e fuoang.