Buka ea Nahume e qala ka mantsoe ana: “Phatlalatso ea nyatso khahlanong le Ninive” motse-moholo oa Assyria. Hobane’ng? Hobane, joalokaha moprofeta Nahume a hlalosa hamorao, Ninive e ne e le “motse oa tšollo ea mali . . . kaofela o tletse thetso le bonokoane.” (Nahume 1:1, NW; 3:1, NW) Na o ne a feteletsa litaba? Le hanyenyane!

Ha Ninive e oa, timetso ea eona e ile ea e-ba e feletseng hoo ka makholo a lilemo le tulo ea eona feela e neng e lebetsoe. Batho ba bang ba nyatsa-nyatsang ba ile ba soma Bibele, ka hore ha ho mohla motse ona o kileng oa e-ba teng. Empa o ne o le teng! O ile oa sibolloa bocha, ’me seo baepolli ba ileng ba se fumana moo ka sebele e ne e le se thahasellisang!