Molimo oa ’Nete ke Mang?

Ho na le Molimo a le mong feela oa ’nete, ’me lebitso la hae ke Jehova. (Pesaleme ea 83:18) Ke Moea; kahoo re ke ke ra mo bona. Oa re rata ebile o batla hore le rōna re mo rate. O boetse o batla hore re rate batho ba bang. (Matheu 22:35-40) Ke eena Ea Phahameng ka ho Fetisisa, ke ’Mōpi oa lintho tsohle.

Letsibolo la pōpo ea Molimo e ne e le sebōpuoa sa moea se matla seo hamorao se ileng sa tsejoa e le Jesu Kreste. Jehova o ile a boela a bōpa le mangeloi.

Jehova o bōpile ntho e ’ngoe le e ’ngoe e leholimong . . . le e lefatšeng. Tšenolo 4:11

Jehova Molimo o bōpile linaleli hammoho le lefatše le lintho tsohle tse ho lona.—Genese 1:1.

O ile a bōpa motho oa pele e leng Adama, ka lerōle la lefatše.—Genese 2:7.