Re Leboha Molimo le Kreste ka Tokoloho ea Nakong e Tlang

Ke mathata afe ao u nang le oona? Na u hlooho ea lelapa ’me u na le lintho tse ngata tseo u lokelang ho li etsa? Na u holisa bana u le mong ’me u sebetsa ka thata e le hore u ba hlokomele? Na u ngoana oa sekolo ’me lithaka tsa hao ha li u tšoare hantle? Na oa kula kapa ho na le lintho tseo u seng u sa khone ho li etsa ka lebaka la botsofali? Kaofela re na le mathata. Bakreste ba bangata ba ba le mathata a sa tšoaneng ka nako e le ’ngoe. Leha ho le joalo rea tseba hore haufinyane Jehova o tla felisa mathata ao re nang le oona.​—2Ko 4:​16-18.

Ho fihlela nako eo e fihla, re khothatsoa ke ho tseba hore Jehova o utloisisa mathata a rona, o ananela botšepehi le ho mamella ha rona ebile o tla re hlohonolofatsa haholo. (Jer 29:​11, 12) Jesu le eena oa re rata. Re kholisehile hore ‘o na le rona’ ha re ntse re sebeletsa Jehova. (Mat 28:​20) Kahoo, ha re ipha nako ea ho nahanisisa ka tokoloho eo re tla e fumana ’Musong oa Molimo, re ba le tšepo e matla ’me re ikemisetsa le ho feta hore re mamelle mathata ao re nang le oona hona joale.​—Bar 8:​19-21.

SHEBELLANG VIDEO EA TSEPAMISA KELELLO HO JESU!​—LITLHOHONOLOFATSO TSA NAKONG E TLANG, EBE LE ARABA LIPOTSO TSE LATELANG:

• Batho ba ile ba aroha ho Molimo joang, hona litla-morao e ile ea ba life?

• Batho ba tšepahallang Jehova ba tla ba le bokamoso bo joang?

• Litlhohonolofatso tsee tse babatsehang li tla ba teng joang?

• Ke litlhohonolofatso life tseo re tl’o li fumana lefatšeng le lecha tseo u li lebeletseng ka tjantjello?