Lipaki Tsa Jehova li Ruta Bibele Joang?

Li e ruta ho ea ka lihlooho, hangata li sebelisa buka ea Ha e le Hantle ke Eng Seo Bibele e se Rutang? Tse ling tsa likhaolo tsa eona tse 19 ke tse kang:

“Ke Eng Seo e Leng ’Nete ka Molimo?”

“Jesu Kreste ke Mang?”

“Bafu ba Hokae?”

“Na re Phela ‘Matsatsing a ho Qetela’?”

“Ke Hobane’ng ha Molimo a Lumeletse Bohloko?”

“Kamoo U ka Etsang Hore Bophelo ba Lelapa la Hao e be bo Thabileng”

Batho ba rutoang ba khothalletsoa hore ba botse lipotso ’me ba iphumanele likarabo ka Bibeleng. Hamorao, ba itšetlehile ka seo ba ithutileng sona Bibeleng, ba ka ikhethela hore na ba latela bolumeli bofe.

U ka kōpa buka ena le ho khanneloa thuto ea Bibele, ka hore u tlatse setlankane se ka tlaase mona ebe u se romela atereseng e bontšitsoeng kapa e loketseng ho tse thathamisitsoeng leqepheng la 5 la makasine ena.

□ Le hoja ke sa itlame ka letho, ke kōpa le ntlisetse buka e bontšitsoeng mona.

□ Ke kōpa hore le nketele mabapi le thuto ea lehae ea Bibele e sa lefelloeng.