Watchtower ONLINE LIBRARY
Watchtower
ONLINE LIBRARY
Sesotho (Lesotho)
  • BIBELE
  • LINGOLOA
  • LIBOKA
  • w07 12/15 leq. 32
  • “Buka ea Bohlokoa ka ho Fetisisa eo u Mphileng Eona”

Ha ho na video mona.

Ka masoabi ho bile le bothata.

  • “Buka ea Bohlokoa ka ho Fetisisa eo u Mphileng Eona”
  • Molula-Qhooa O Tsebahatsa ’Muso Oa Jehova—2007
Molula-Qhooa O Tsebahatsa ’Muso Oa Jehova—2007
w07 12/15 leq. 32

“Buka ea Bohlokoa ka ho Fetisisa eo u Mphileng Eona”

KE KAMOO eo e kileng ea e-ba tona-khōlō ea Belgium a ileng a hlalosa buka ea Motho e Moholo ka ho Fetisisa ea Kileng a Phela.a Moahelani oa hae o ile a mo etela, ’me tona-khōlō a amohela buka eo a ileng a mo fa eona. Hamorao, tona-khōlō o ile a ngola lengolo a leboha, a re: “Ke ile ka thaba haholo ha u nketetse, ’me se ileng sa nthabisa le ho feta ke buka ea bohlokoa ka ho fetisisa eo u mphileng eona: e leng buka e buang ka ‘Motho e Moholo ka ho Fetisisa.’”

Tona-khōlō eo ea mehleng o ne a se a balile buka eo ’me a phetha ka ho re: “Haeba batho ba ne ba ka thahasella molaetsa oa Kosepele haholoanyane ’me ba sebelisa litaelo tsa Jesu Kreste, lefatše kajeno le ne le ke ke la e-ba tjena. Re ne re ke ke ra hloka Lekhotla la Tšireletso; ebile ho ne ho ke ke ha e-ba le litlhaselo tsa likhukhuni, ’me pefo e ne e ke ke ea e-ba teng ho hang lefatšeng.” Le hoja a ile a lumela hore sena sohle se ka bonahala e le toro feela, o ile a re o rōlela moahelani oa hae khaebana ka hore ebe o ile a mo etela.

Lengolo leo ha le tsoela pele le re: “U setho sa mokhatlo o babatsehang oa batho ba molemo ba sa eeng le khongoana holimo ebile e se hore ha ba na tšepo empa ke batho ba lumelang hore ho na le tšepo ea hore batho ba tla ba molemo le lintho li tla ntlafala.”

Lipaki Tsa Jehova li lumela hore ke Molimo eo qetellong a tla tlisa lefatše le molemo, eseng batho. Li leka ho etsisa motho e moholo ka ho fetisisa, e leng Jesu Kreste. Na morao tjee Lipaki Tsa Jehova li kile tsa u etela? U ka ’na ua thabela ho qoqa le tsona ka motho e moholo ka ho fetisisa ea kileng a phela. Le tsona li tla thabela ho u fa buka ena e ileng ea khahla tona-khōlō eo haholo.

[Mongolo o botlaaseng ba leqephe]

a E hatisitsoe ke Lipaki Tsa Jehova.

    Lingoliloeng Tsa Sesotho Lesotho (1985-2026)
    Tsoa
    Kena
    • Sesotho (Lesotho)
    • Romela
    • Ikhethele
    • Copyright © 2025 Watch Tower Bible and Tract Society of Pennsylvania
    • Kamoo e Lokelang ho Sebelisoa
    • Tumellano ea ho Boloka Lekunutu
    • Privacy Settings
    • JW.ORG
    • Kena
    Romela