Indonesia

ENA ke tlaleho e thabisang ea banna le basali ba Bakreste ba ileng ba ba sebete ’me ba mamella mathata nakong eo ho neng ho e-na le merusu ea lipolotiki, likhohlano tsa bolumeli hammoho le nakong eo mosebetsi oa boboleli o neng o thibetsoe ka lilemo tse 25 ka lebaka la tšusumetso ea baruti. Bala pale ea mor’abo rōna eo lebitso la hae le neng le hlaha lenaneng la batho bao Makomonisi a neng a ikemiselitse ho ba bolaea le ea mor’abo rōna eo e neng e le molaoli oa sehlopha sa linokoane eo qetellong e ileng ea e-ba Mokreste. Bala tlaleho e amang maikutlo ea banana ba babeli ba sa utloeng litsebeng bao e bileng metsoalle eaba hamorao ba fumana hore ke bana ba motho. O tla boela o bone kamoo bahlanka ba Jehova ba atlehang kateng ha ba ntse ba bolela litaba tse molemo sebakeng sena se nang le baahi ba bangata ka ho fetisisa ba Mamosleme.