Mikutano Ya Utumishi Kwa Machi
Juma Linaloanza Machi 7
Dak 15: Matangazo ya kwenu na Matangazo yaliyoteuliwa kutoka Huduma ya Ufalme Yetu. Zungumzia kifupi “Toa Kitabu Vijana Huuliza,” na utie moyo wahubiri watumie kitabu hicho wakati ufaapo.
Dak 15: “Lishike Sana Ungamo la Tumaini Lako Lisigeuke.” Itolewe na kiongozi wa Funzo la Mnara wa Mlinzi kwa njia ya maswali na majibu. Pata maelezo kutoka kwa wale ambao wameshinda woga wa kutoa maelezo mikutanoni. Kazia uhitaji wa kutayarisha mapema. Tia moyo kutaniko kujitayarisha kushiriki kikamili katika funzo la Mnara wa Mlinzi kila juma.
Dak 15: “Tangaza Ujumbe Wenye Kusisimua Uliomo Katika Ufunuo.” Mazungumzo pamoja na wasikilizaji. Panga wahubiri waliojitayarisha vizuri watoe wonyesho wa utoaji uliomo katika mafungu 2-4. Baada ya kila wonyesho waruhusu wasikilizaji watoe maelezo juu ya mambo waliyojifunza kutokana na utoaji. Tia moyo wote washiriki katika kutoa kitabu Upeo wa Ufunuo mwezi huu.
Wimbo 225 na sala ya kumalizia.
Juma Linaloanza Machi 14
Dak 10: Matangazo ya kwenu. Habari za Kitheokrasi. Elekeza fikira kwenye mambo hususa katika magazeti ya karibuni ambayo yaweza kutumiwa katika huduma ya shambani juma hili.
Dak 15: “Je! Wewe Waweza Kuongeza Sifa Yako kwa Yehova Wakati wa Aprili?” Mazungumzo ya maswali na majibu. Pata maelezo kutoka kwa wale ambao wamefanya upainia msaidizi wakati uliopita. Waombe waeleze jinsi walivyorekebisha mambo yao ili wanufaike na pendeleo hili. Tia moyo wote wanaopanga kufanya upainia msaidizi katika Aprili walete maombi yao upesi iwezekanavyo.
Dak 20: “Wafanye Wahisi Wamekaribishwa Kwenye Ukumbusho.” Mazungumzo ya maswali na majibu. Baada ya fungu la 3 panga kuwe na wonyesho mfupi wa mtumishi wa huduma akimkaribisha mtu mpya kwenye Ukumbusho.
Wimbo 150 na sala ya kumalizia.
Juma Linaloanza Machi 21
Dak 10: Matangazo ya kwenu, kutia ndani ripoti ya hesabu na shukrani za upaji wa hiari. Zungumzia sanduku lenye kichwa “Chakula kwa Wakati Unaofaa.” Tia moyo wote wakaribishe wenye kupendezwa kwenye hotuba ya pekee itakayotolewa Aprili 10.
Dak 20: “Wasaidie Wachukue Hatua ya Kutenda Kulingana na Ujumbe.” Mazumgumzo. Panga kuwe na maonyesho yaliyotayarishwa vizuri katika mafungu 2 na 3.
Dak 15: Mahitaji ya kwenu kuhusiana na mipango ya Ukumbusho. Pitieni mambo yafaayo kama yale yaliyomo katika makala “Kujitayarisha Kwa Ajili ya Ukumbusho,” katika Huduma ya Ufalme Yetu ya Machi 1993, ukurasa 7.
Wimbo 121 na sala ya kumalizia.
Juma Linaloanza Machi 28
Dak 15: Matangazo ya kwenu. Zungumzia na uonyeshe njia zifaazo za kutoa ushahidi kwa kutumia toleo la Aprili katika eneo la kwenu. Simulia mambo yaliyoonwa yanayoonyesha jinsi wahubiri wengine wamepata maandikisho.
Dak 15: Kwa kutumia mambo makuu yaliyoteuliwa kutoka kurasa 19-32 za Kitabu-Mwaka cha 1994 (Kiingereza), mzee azungumzia upanuzi wa ulimwenguni pote wa kazi ya Ufalme na akazia utegemezo mzuri uliotolewa na kutaniko lenu. Onyesha jinsi Yehova anavyobariki watu wake kwelikweli, kutia na wale wasioweza kufanya mengi sana. Ikiwa kutaniko halijapokea Kitabu-Mwaka hicho kipya basi sehemu hii yaweza kutumiwa kwa ajili ya mahitaji ya kwenu, yakishughulikia mambo kutoka ziara ya karibuni ya mwangalizi wa mzunguko au kupitia baadhi ya mambo makuu kutoka mkusanyiko wa wilaya.
Dak 15: “Mpaji wa ‘Kila Zawadi Njema.’” Hotuba itolewe na mzee, ikitegemea Mnara wa Mlinzi la Desemba 1, 1993, kurasa 28-31.
Wimbo 15 na sala ya kumalizia.