Mika

3 Nikasema: “Tafazali, musikie ninyi vichwa vya Yakobo

Na ninyi makamanda wa nyumba ya Israeli.+

 2 Lakini munachukia mambo ya muzuri+ na munapenda mambo ya mubaya;+

Munachuna watu wangu ngozi na kuondoa nyama kwenye mifupa yao.+

 3 Pia munakula nyama ya watu wangu+

Na kuwachuna ngozi,

Munavunja mifupa yao, na kuiponda-ponda,+

Kama kitu chenye kupikwa ndani ya chungu,* kama nyama ndani ya chungu cha kupikia.

 4 Wakati huo watamuita Yehova awasaidie,

Lakini hatawajibu.

Ataficha uso wake wakati huo,+

Kwa sababu ya matendo yao maovu.+

 5 Yehova anasema hivi juu ya manabii wenye kupotosha watu wake,+

Wenye kutangaza ‘Amani!’+ wakati wanatafuna kwa meno yao,+

Lakini wenye kutangaza* vita juu ya mutu yeyote mwenye hatie kitu katika vinywa vyao:

 6 ‘Mutakuwa na usiku;+ hakutakuwa maono;+

Mutakuwa na giza tu, hamutafanya uaguzi.

Jua litashuka juu ya manabii,

Na muchana utageuka kuwa giza kwao.+

 7 Watu wenye kuona maono watapatishwa haya,+

Na waaguzi watakatishwa tumaini.

Wote watafunika masharubu yao,*

Kwa maana hakuna jibu kutoka kwa Mungu.’”

 8 Lakini mimi, ninajaa nguvu kupitia roho ya Yehova,

Na haki na uwezo,

Ili nimuambie Yakobo uasi wake na Israeli zambi yake.

 9 Tafazali musikie jambo hili, ninyi vichwa vya nyumba ya Yakobo

Na ninyi makamanda wa nyumba ya Israeli,+

Wenye kuchukia haki na kupotosha mambo yote yenye kunyooka,+

10 Wenye kujenga Sayuni kwa kumwanga damu na Yerusalemu kwa ukosefu wa haki.+

11 Viongozi wake* wanapokea rushwa* ili kuhukumu,+

Makuhani wake wanafundisha ili wapate malipo,+

Na manabii wake wanafanya uaguzi ili wapate feza.+

12 Basi kwa sababu yenu,

Sayuni italimwa kama shamba,

Yerusalemu itakuwa marundo ya mabomoko,+

Na mulima wa Nyumba* utakuwa kama mahali pa juu katika pori.*+