Muhubiri

4 Nikachunguza tena matendo yote ya ukandamizaji yenye kufanywa chini ya jua. Nikaona machozi ya wenye kukandamizwa, na hapakukuwa mutu wa kuwafariji.+ Na wakandamizaji wao walikuwa na nguvu, na wale wenye kukandamizwa hawakukuwa na mutu wa kuwafariji. 2 Na nilipongeza wafu wenye walikuwa tayari wamekufa kuliko wazima wenye walikuwa wangali wanaishi.+ 3 Na mwenye kuwa katika hali ya muzuri zaidi kuliko wote wawili ni ule mwenye hajazaliwa,+ mwenye hajaona mambo yenye kuhuzunisha yenye yanafanywa chini ya jua.+

4 Na nimeona namna kushindana+ kunafanya watu wajikaze sana* na kufanya kazi kwa ufundi; jambo hili pia ni bure,* ni kufuatilia upepo.

5 Mujinga anakunja mikono yake na wakati huo mwili wake unaendelea kuwa muzaifu.*+

6 Mukono mumoja wa pumuziko ni muzuri zaidi kuliko mikono mbili ya kazi ya nguvu na kufuatilia upepo.+

7 Nilichunguza jambo lingine lenye kuwa bure* chini ya jua: 8 Kuko mutu mwenye kuwa peke yake; hana rafiki; hana mwana wala ndugu, lakini kazi yake yote ya nguvu haina mwisho. Macho yake hayashibake utajiri.+ Lakini hajiulizake, ‘Ninafanya kazi hii yote ya nguvu na kujiima mambo ya muzuri kwa ajili ya nani’?+ Jambo hili pia ni bure* na ni lenye kuhuzunisha.+

9 Wawili ni muzuri zaidi kuliko mumoja+ kwa sababu wako na zawabu ya muzuri* kwa ajili ya kazi yao ya nguvu. 10 Kwa maana kama mumoja wao anaanguka, ule mwingine anaweza kusimamisha mwenzake. Lakini itakuwa namna gani kwa ule mwenye kuwa peke yake kama anaanguka bila mutu wa kumusimamisha?

11 Tena, kama wawili wanalala pamoja, watapata joto, lakini mwenye kuwa peke yake anaweza namna gani kupata joto? 12 Mutu anaweza kumushinda nguvu mwenye kuwa peke yake, lakini wawili wenye kuwa pamoja wanaweza kushindana naye. Na kamba ya nyuzi tatu (3) haiwezi kukatika haraka.*

13 Mutoto maskini lakini mwenye hekima ni muzuri zaidi kuliko mufalme muzee lakini mujinga,+ mwenye haone tena ulazima wa kutii maonyo.+ 14 Kwa maana yeye* alitoka katika gereza na kuwa mufalme,+ hata kama alizaliwa maskini katika ufalme huo.+ 15 Nilichunguza wale wote wenye kuwa wazima wenye wanatembea chini ya jua, na pia hali ya ule mutawala kijana mwenye anakamata nafasi ya ule mwingine. 16 Hata kama iko* na watu wengi sana wenye kumuunga mukono, wale wenye watakuja kisha hawatamufurahia.+ Jambo hili pia ni bure,* ni kufuatilia upepo.