Mishipa ya Ubongo ya Nzige Yenye Uwezo Mukubwa

NZIGE wanahama wakiwa vikundi-vikundi, “nzige milioni 80 kwa kila kilometa muraba.” Hata hivyo, hawagongane. Siri yao ni nini?

Fikiria hili: Nyuma ya macho yenye lenzi nyingi ya nzige kuna mushipa mudogo wa ufahamu unaomusaidia kuhisi ao kujua kwamba kuna kitu kinachotembea karibu naye. Wakati nzige wanakaribia kugongana, mishipa hiyo inajulisha mabawa na miguu, kwa hiyo nzige anatenda haraka. Kwa kweli, nzige anatenda haraka mara tano zaidi kuliko tendo la kufunga na kufungua macho.

Kwa kuiga macho na mishipa ya ufahamu ya nzige, wanasayansi wametengeneza mufumo wa ordinatere ambao unawezesha roboti ya mukononi kuvumbua na kuepuka kukaribia vitu fulani, bila kuhitaji rada ya hali ya juu ao vifaa vinavyotambua miale nyekundu. Watu wenye kufanya utafiti wanatumia teknolojia hiyo kwa motokari; wanatia katika motokari mufumo ulio haraka na usiodanganyika wa kuonya motokari ili kupunguza uwezekano wa kugongana na motokari ingine. Profesa Shigang Yue kwenye masomo ya juu ya Lincoln katika inchi ya Uingereza anasema kwamba “Kuna mambo mengi ya kujifunza kuhusu kidudu mudogo kama vile nzige.”

Wewe unawaza nini? Je, mishipa ya ubongo ya nzige yenye uwezo mukubwa wa kuhisi ao kuona kitu kinachotembea karibu ilitokana na mageuzi ao iliumbwa?