Kutembelea Belize

BELIZE ni inchi ndogo, lakini inajaa mambo ya aina mbalimbali, kuanzia misitu ya tropiki mupaka maji yenye rangi ya bluu-kijani inayozunguka visiwa vingi na sehemu za pembeni za visiwa hivyo. Lakini, zaidi ya hali za mazingira za Belize kuna mambo mengine ya kushangaza.

Aina nyingi za ndege na wanyama zinapatikana katika inchi hiyo. Kati ya wanyama pori wa inchi hiyo kuna ndege mwenye kungaa anayeitwa toucan (Ramphastos sulfuratus) na munyama wa familia ya vifaru mwenye pua murefu anayeitwa Baird’s tapir (Tapirus bairdii) na ambaye anaweza kutembea haraka kwenye inchi kavu na katika maji. Kuna pia chui mukubwa wa Amerika (Panthera onca). Belize ndiyo ina eneo la kwanza katika dunia la kuchungia chui huyo.

Wakati fulani watu wa Belize walikuwa na desturi za Wamaya. Wakoloni wa Hispania walifika huko katika miaka ya 1501-1600 lakini hawakuweza kabisa kuwanyamazisha Wamaya. Kisha, Waingereza walianza kutawala eneo hilo na katika mwaka wa 1862 walitangaza inchi hiyo kuwa koloni ya Hondurasi ya Uingereza. Katika mwaka wa 1981, Belize ilipata uhuru.

Wana-inchi wa Belize ni watu wa rangi na makabila mbalimbali kama maeneo yao. Makabila makubwa ni Wakreole, Wahindi, Wagarifuna, Wamaya, na Wamestizo. Watu ni wenye urafiki na wenye adabu. Wakati watoto wanasema na watu wakubwa, wanatumia mara nyingi maneno “Mama” ao “Papa” na wanajibia kwa kusema, “Ndiyo, mama” ao “Hapana, papa.”

Katika Belize, kuna makutaniko ya Mashahidi wa Yehova katika luga ya Kichina Mandarin, Kihispania, Kiingereza, Kijerumani cha Chini, Kikreole cha Belize, Kimaya (Mopán), na Luga ya Ishara ya Amerika. Katika mwaka wa 2013, karibu mutu 1 kati ya watu 40 katika Belize alihuzuria Ukumbusho wa Kifo cha Yesu pamoja na Mashahidi wa Yehova.