Somo 8

Maadui Wa Mungu Ni Nani?

Adui mkuu wa Mungu ni Shetani Ibilisi. Yeye ni kiumbe cha roho aliyemwasi Yehova. Shetani anaendelea kupigana na Mungu naye huwaletea wanadamu matatizo makubwa. Shetani ni mwovu. Yeye ni mwongo na mwuaji.​—⁠Yohana 8:⁠44.

Viumbe wengine wa roho waliungana na Shetani katika uasi wake dhidi ya Mungu. Biblia huwaita viumbe hao roho waovu. Kama Shetani, roho waovu ni maadui wa wanadamu. Wanapenda kuwaumiza watu. (Mathayo 9:​32, 33; 12:22) Yehova atamharibu Shetani na roho wake waovu milele. Wana wakati mfupi tu unaobaki wa kuwaletea wanadamu matatizo.​—⁠Ufunuo 12:⁠12.

Ukitaka kuwa rafiki ya Mungu, lazima usifanye mambo ambayo Shetani anataka ufanye. Shetani na roho waovu humchukia Yehova. Wao ni maadui wa Mungu, nao wanataka kukufanya uwe adui ya Mungu. Ni lazima uchague yule unayetaka kumpendeza​—⁠Shetani au Yehova. Ikiwa unataka uhai udumuo milele, lazima uchague kufanya mapenzi ya Mungu. Shetani ana mbinu na njia nyingi za kudanganya watu. Yeye anawadanganya watu wengi.​—⁠Ufunuo 12:⁠9.