Yehova Anazungumuza na Samweli

Kuhani Mukubwa Eli alikuwa na watoto wawili wanaume wenye walikuwa makuhani ku tabenakulo. Jina la mumoja lilikuwa Hofni na la mwingine Finehasi. Hawakutii amri za Yehova, na walitendea watu mubaya sana. Wakati Waisraeli walikuwa wanakuja kumutolea Yehova zabihu, Hofni na Finehasi walikuwa wanajikamatia nyama ya muzuri sana. Eli alisikia ile mambo yenye watoto wake walikuwa wanafanya, lakini hakufanya kitu. Je, Yehova angeacha ile hali iendelee?

Hata kama Samweli alikuwa mutoto kuliko Hofni na Finehasi, hakufuata mufano wao. Yehova alifurahia Samweli. Usiku moja, Samweli alikuwa analala, kisha akasikia sauti inamuita. Akaamuka, akakimbia kwa Eli na kumuambia: ‘Mimi huyu!’ Lakini, Eli akamuambia: ‘Sikukuita. Rudia ulale.’ Samweli akarudia kulala. Kisha, akasikia sauti inamuita tena. Wakati Samweli alisikia ile sauti mara ya tatu, Eli akatambua kama Yehova njo alikuwa anamuita. Akaambia Samweli hivi: “Kama anakuita, umuambie, ‘Sema, Yehova, kwa maana mutumishi wako anasikiliza.’”

Samweli akaenda tena kulala. Kisha, akasikia sauti inamuita: ‘Samweli! Samweli!’ Akajibu: ‘Sema, mutumishi wako iko anasikiliza.’ Yehova akamuambia: ‘Uambie Eli kama nitamupatia malipizi yeye na familia yake. Anajua kama watoto wake wako wanafanya mambo ya mubaya mu tabenakulo yangu, lakini hafanye kitu.’ Asubui ya kufuata, Samweli alifungua milango ya tabenakulo kama vile alikuwa anafanya kila siku. Alikuwa anaogopa kuelezea kuhani mukubwa mambo yenye Yehova alimuambia. Lakini Eli akamuita na kumuuliza: ‘Mutoto wangu, Yehova alikuambia nini? Niambie mambo yote.’ Kisha Samweli akamuelezea mambo yote.

Samweli aliendelea kukomaa, na Yehova aliendelea kuwa pamoja naye. Mu inchi yote ya Israeli, watu wote walijua kama Yehova amechagua Samweli ili akuwe nabii na muamuzi.