Mabawa ya Kipepeo

MABAWA ya kipepeo ni teketeke sana; hata uzito wa vumbi kidogo ao umaji​-maji kidogo unaweza kufanya iwe vigumu kwa kipepeo kuruka. Hata hivyo, mabawa hayo yanabakia safi na yenye kukauka. Siri ya kipepeo ni gani?

Fikiria hili: Wachunguzi kwenye Masomo ya Juu ya Jimbo la Ohio waliojifunza kipepeo Mukubwa wa Bluu anayeitwa Morpho (Morpho didius) walivumbua kwamba hata ikiwa mabawa ya kidudu huyo yanaonekana kwa macho kuwa yananyooka, yanafunikwa na magamba membamba yanayoingiana​-ingiana kama magamba ya samaki. Hata mistari midogo​-midogo sana iliyo sambamba juu ya magamba hayo inafanya vumbi ao matone ya maji yateleze kwa vyepesi juu ya mabawa ya kipepeo. Mafundi wanatafuta kuiga namna mabawa ya kipepeo yamefanywa ili kutengeneza sehemu za inje za hali ya juu za mashini zinazotengeneza vitu, na pia vyombo vya matunzo visivyoweza kushika vumbi na maji.

Mabawa ya kipepeo yanaonyesha jinsi sayansi inajaribu kuiga namna vitu vilivyo na uzima vimefanywa. Muchunguzi Bharat Bhushan anasema hivi: “Ulimwengu unajaa vitu vilivyoumbwa kwa ufundi sana, kuanzia vitu vidogo sana mupaka vitu vikubwa zaidi, vyenye wanadamu wameiga kwa mamia ya miaka.”

Unawaza namna gani? Mabawa ya kipepeo yalijifanya yenyewe? Ao je, yaliumbwa?