Somo 15

Kusaidia Wengine Wafanye Mapenzi ya Mungu

Kwa nini uelezee wengine juu ya yale unayojifunza? (1)

Unaweza kushiriki habari njema na nani? (2)

Mwenendo wako unaweza kuwa na matokeo gani juu ya wengine? (2)

Wakati gani unaweza kuhubiri ukiambatana na kutaniko? (3)

1. Mpaka sasa, umejifunza mambo mengi mazuri kutokana na Biblia. Ujuzi huo ungepaswa kukuongoza wewe kukuza utu wa Kikrito. (Waefeso 4:​22-24) Ujuzi kama huo ni wa lazima kwako ili kupata uhai wa milele. (Yoane 17:⁠3) Lakini, wengine pia wana lazima ya kusikia habari njema ili kwamba wao pia waweze kuokolewa. Wakristo wote wa kweli wanapaswa kutoa ushuhuda kwa wengine. Ni amri ya Mungu.​—⁠Waroma 10:10; 1 Wakorinto 9:16; 1 Timoteo 4:⁠16.

2. Unaweza kuanza kwa kushiriki na watu walio karibu yako mambo mazuri unayojifunza. Yaelezee familia yako, marafiki, wale munaosoma nao, na wale munaotumika nao. Unapofanya hivyo ujionyeshe kuwa mutu mwema na muvumilivu. (2 Timoteo 2:​24, 25) Kumbuka kwamba mara nyingi watu huutazama mwenendo wa mutu zaidi kuliko kusikiliza yale anayosema. Kwa hiyo mwenendo wako muzuri unaweza kuvutia wengine kusikiliza ule ujumbe unaowaelezea.​—⁠Matayo 5:16; 1 Petro 3:​1, 2, 16.

3. Mwishowe, unaweza kuwa mwenye kustahili kuanza kuhubiri pamoja na kutaniko la Mashahidi wa Yehova la mahali penu. Hiyo ni hatua ya lazima katika maendeleo yako. (Matayo 24:14) Ingekuwa furaha kama nini kama ungeweza kusaidia mutu mwingine kufikia kuwa mutumishi wa Yehova na kupata uhai wa milele!​—⁠1 Watesalonika 2:​19, 20.