SOMO LA 8

Juu ya Nini Tunavaa Muzuri Wakati Tunaenda ku Mikutano Yetu?

Baba na mutoto wake mwanaume wako wanavaa ili waende kwenye mukutano — Islande

Mama na mutoto wake mwanamuke wanajitayarisha kwa ajili ya mikutano — Meksiko

Mashahidi wa Yehova wenye kuvaa muzuri mu inchi ya Guinea-Bissau — Guinea-Bissau

Watu wa familia moja mu inchi ya Ufilipino wanaenda kwenye mukutano — Ufilipino

Ku picha zenye kuwa mu broshua hii, umeona namna Mashahidi wa Yehova wanavaa muzuri wakati wanaenda ku mikutano yao? Juu ya nini sisi Mashahidi wa Yehova tunahangaikia namna yetu ya kuvaa na kujipamba?

Ili kumuonyesha Mungu wetu heshima. Ni kweli kama Mungu hakazie uangalifu hali yetu ya inje. (1 Samweli 16:7) Lakini, wakati tunakutana pamoja ili kumuabudu, tunataka kabisa kumuonyesha heshima yeye na Wakristo wenzetu. Kwa mufano, kama tunaenda kuonana na mufalme ao raisi, tutavaa na kujipamba kwa namna yenye inamuletea heshima kwa sababu ya cheo chake. Vilevile, namna tunavaa na kujipamba wakati tunaenda ku mikutano inaonyesha kama tunamuheshimia Yehova Mungu, “Mufalme wa milele.” Na inaonyesha kama tunaheshimia mahali kwenye tunamuabudia Yehova.—1 Timoteo 1:17.

Ili kuonyesha kama tunafuata kanuni za Biblia mu maisha yetu. Biblia inaomba Wakristo wavae “kwa kiasi na akili ya muzuri.” (1 Timoteo 2:9, 10) Kuvaa “kwa kiasi” maana yake, kuepuka kuvaa manguo ya kujionyesha, yenye kuchochea tamaa za mubaya, ao yenye kuonyesha sehemu fulani za siri za mwili. Pia, kuwa na “akili ya muzuri” kunatusaidia kuchagua manguo ya muzuri, ni kusema, manguo yenye haiko ya ovyoovyo ao yenye kupita kiasi. Hata kama tunafuata kanuni hizo, kila mutu iko na uhuru wa kuchagua manguo yenye kumupendeza. Hata kama hatuseme neno lolote, namna tunavaa na kujipamba kwa njia ya muzuri na yenye kupendeza, inaweza ‘kupamba mafundisho ya Mwokozi wetu’ na ‘kumutukuza Mungu.’ (Tito 2:10; 1 Petro 2:12) Basi, kama tunavaa muzuri wakati tunaenda ku mikutano, tunaweza kufanya watu wengine wapendezwe na ibada ya Yehova.

Lakini usiache namna yako ya kuvaa ikuzuie kuenda ku mikutano ku Jumba la Ufalme. Tunaweza kuvaa manguo yenye kufaa, yenye kuwa safi, na yenye kupendeza, hata kama hatuna manguo ya bei sana ao ya hali ya juu.

Juu ya nini ni jambo la maana kuvaa muzuri wakati tunamuabudu Mungu?
Ni kanuni gani zenye zinatuongoza wakati tunachagua manguo yetu na namna yetu ya kujipamba?