MAULIZO JUU YA HABARI ZA BIBLIA YANAJIBIWA
Je, kuna tumaini kwa ajili ya watu waliokufa?
Kifo kinafanana na usingizi katika maana ya kwamba watu waliokufa hawajue jambo lolote na hawawezi kufanya kitu chochote. Hata hivyo, Muumbaji wa uzima anaweza kuwarudishia watu waliokufa uzima kupitia ufufuo. Ili kuonyesha jambo hilo, Mungu alimupatia Yesu uwezo wa kufufua watu wengi waliokufa.—Soma Mhubiri 9:5; Yohana 11:11, 43, 44.
Ni katika maana gani kifo kinafanana na usingizi?
Mungu ameahidi kwamba watu waliokufa ambao wako katika kumbukumbu lake watafufuliwa na kuishi katika dunia mupya yenye haki. Watu ambao watafufuliwa wataendelea kubaki katika kifo mupaka wakati Mungu atawapatia tena uzima. Mungu Mweza-Yote anatamani sana kutumia nguvu zake ili kuwapatia tena uzima watu waliokufa.—Soma Ayubu 14:14, 15.
Ufufuo utakuwa namna gani?
Wakati Mungu atafufua watu waliokufa, watu hao wataweza kujitambua wenyewe na kutambua marafiki wao, na watu wa familia zao. Hata ikiwa mwili wa mutu aliyekufa unaoza, Mungu anaweza kumufufua mutu yuleyule akiwa na mwili mupya.—Soma 1 Wakorintho 15:35, 38.
Ni watu wachache ndio wanaofufuliwa ili kuishi mbinguni. (Ufunuo 20:6) Watu wengi watafufuliwa ili kuishi katika dunia iliyofanywa kuwa paradiso. Watu hao wataanza maisha mapya, wakiwa na tumaini la kuishi milele.—Soma Zaburi 37:29; Matendo 24:15.