Maulizo Juu Ya Habari Za Biblia Yanajibiwa
Dini zote zinamuheshimu Mungu?
Unaposikiliza habari za ulimwengu, labda umetambua kwamba wakati fulani watu wamefanya mabaya katika jina la dini. Dini zote hazitokane na Mungu wa kweli. (Mathayo 7:15) Kwa kweli, hilo linafanya wanadamu wengi wadanganywe.—Soma 1 Yohana 5:19.
Hata hivyo, Mungu anatambua watu wenye mioyo mizuri wanaopenda mambo mazuri na ya kweli. (Yohana 4:23) Mungu anaalika watu kama hao wajifunze kweli kutoka katika Neno lake, Biblia.—Soma 1 Timotheo 2:3-5.
Namna gani unaweza kuitambua dini ya kweli?
Yehova Mungu anaunganisha watu kutoka katika dini nyingi kwa kuwafundisha kweli na kuwafundisha kupendana. (Mika 4:2, 3) Kwa hiyo, unaweza kutambua waabudu wa dini ya kweli kupitia namna wanatendeana kati yao.—Soma Yohana 13:35.
Yehova Mungu anaunganisha watu wa namna zote kupitia ibada ya kweli.—Zaburi 133:1
Imani ya waabudu wa kweli na namna yao ya kuishi inategemea Biblia. (2 Timotheo 3:16) Wanaheshimu pia jina la Mungu. (Zaburi 83:18) Na wanatetea Ufalme wa Mungu kuwa tumaini pekee la wanadamu. (Danieli 2:44) Wanamuiga Yesu kwa kuacha ‘nuru yao iangaze,’ kwa kuwatendea majirani wao mema. (Mathayo 5:16) Wakristo wa kweli wanatembelea watu nyumbani kwao wakiwa na kusudi la kuwatangazia habari njema ya Ufalme wa Mungu na hilo linasaidia watu wawatambue.—Soma Mathayo 24:14; Matendo 5:42; 20:20.