Utoaji mwepesi ni bora zaidi

¹ Kwa nini wahubiri vijana mara nyingi huvuta uangalifu wa wale ambao wao hushiriki ujumbe wa Ufalme pamoja nao? Sababu moja ni kwamba maneno yao ni mepesi. Wahubiri fulani huenda wakafikiri kwamba inaomba utoaji wenye kufanywa kwa ufasaha wa maneno ili kutoa ushahidi kwa matokeo. Lakini, mambo yaliyoonwa yanaonyesha kwamba utoaji mwepesi na ulio wazi ndio ulio bora zaidi.

² Yesu alitangaza Ufalme wa Mungu kwa namna nyepesi na ya moja kwa moja, naye alizoeza wanafunzi wake wafanye hivyohivyo. (Mt. 4:17; 10:5-7; Luka 10:1, 9) Alitumia matangulizi mepesi, maulizo mepesi, na mifano myepesi ili kuvuta uangalifu wa wasikilizaji wake na kugusa mioyo yao. (Yn. 4:7-14) Ni vizuri tuige mfano wake na kufanya utoaji unaosikika kwa vyepesi.

³ “Habari njema ya Ufalme” ndio ujumbe tunaopaswa kutangaza. (Mt. 24:14) Kutumia Ufalme kuwa kichwa cha habari kutakusaidia ufanye utoaji wako kuwa mwepesi. Sema kuhusu mambo yanayopendeza wasikilizaji wako. Mara nyingi, wanawake ni wenye kupendezwa zaidi na familia zao kuliko habari za kisiasa. Baba hupendezwa sana na kazi yake na usalama wa familia yake. Vijana hupendezwa na wakati wao ujao; watu wazee-wazee hupendezwa na afya bora na usalama wao. Kwa kawaida, watu hupendezwa na matukio ya mahali pao kuliko yale yanayofanyika katika nchi za mbali. Baada ya kuongea kuhusu mambo yanayopendeza watu wote, ongozeni uangalifu kwenye baraka ambazo wanadamu watiifu watapata chini ya utawala wa Ufalme wa Mungu. Maneno machache mepesi na yenye kuchaguliwa vema, pamoja na andiko moja, yanaweza kuwa njia bora zaidi ya kuchochea kupendezwa kwa msikilizaji wako.

⁴ Unaweza kuanzisha mazungumzo kwa kusema:

◼ “Bila shaka unakubali kwamba wanadamu wanasumbuliwa na magonjwa mengi yasiyoponyeka. Lakini, je, ulijua kwamba Mungu ameahidi kwamba karibuni ataondoa aina zote za ugonjwa, na pia kifo?” Acha mtu ajibu, na kisha usome Ufunuo 21:3, 4.

⁵ Kwa kutumia utoaji ulio wazi na mwepesi, guseni akili na mioyo ya watu wengi zaidi katika eneo lenu, mkiwasaidia wajifunze kuhusu Yehova na tazamio la kufurahia uzima wa milele.—Yn. 17:3.