Unis grâce à l’enseignement divin —Kutazama Umoja wa Kweli wa Kikristo
Mwangalizi msafiri mmoja alihudhuria funzo la Biblia la mwanamke ambaye alikuwa hajaanza bado kuhudhuria mikutano ya kutaniko. Mwangalizi akamwalika atazame vidio Unis grâce à l’enseignement divin. Juma hilo mwanamke huyo akahudhuria mkutano na akasema kwamba alifurahi sana kuwako. Kwa nini vidio hiyo ilipata matokeo ya haraka kama hayo? Mwanamke huyo alivutiwa na jinsi vidio hiyo inavyoonyesha umoja wetu wa kindugu wenye thamani ukitenda katika ulimwengu wenye jeuri na wenye chuki.—Yn. 13:35.
Tazama vidio hiyo ili uone na kuhisi amani na upendo vinavyofurahiwa kati ya Mashahidi wa Yehova duniani pote. Kisha, tafakari juu ya maulizo haya:
(1) Kwa nini “Ufundishaji wa Kimungu” kilikuwa kichwa chenye kufaa mikusanyiko ya 1993-94 —Mika 4:2.
(2) Kweli ya Biblia imekuwa na maana gani kwa familia fulani? Imekuwa na maana gani kwa familia yako?
(3) Kwa nini ni jambo la maana kufundishwa na Yehova?—Zab. 143:10.
(4) Ni matatizo gani ambayo inafaa kushinda ili kutayarisha mikusanyiko mikubwa ya kimataifa?
(5) Umeonaje ukweli wa Zaburi 133:1 na Mathayo 5:3 kwenye mikusanyiko ya Kikristo uliyohudhuria?
(6) Kuna uhakikisho gani ulio wazi kuhusu matokeo yenye nguvu ya ufundishaji wa kimungu?—Ufu. 7:9.
(7) Ni nini uliokuwa ubatizo wa kikundi kikubwa zaidi cha Wakristo wa kweli?
(8) Ni maneno gani ya Mika, Petro, na Yesu yanayotimizwa kati ya Mashahidi wa Yehova?
(9) Ni nini kinachokuhakikishia kwamba familia ya kibinadamu yenye furaha na yenye umoja si ndoto tu?
(10) Ni nani utakayeonyesha vidio hii, na kwa nini?
Baada ya kuona vidio hii, dada mmoja alisema vizuri kwa kifupi kuhusu yenyewe: “Vidio hii itanisaidia nikumbuke zaidi na zaidi kwamba ndugu na dada wengi wa Kikristo ulimwenguni pote ni wenye kutumikia Yehova kwa uaminifu wakati huuhuu. . . . Umoja wetu wa kindugu ni wenye thamani kama nini!”—Efe. 4:3.