Je, Unaweza Kupatanisha Programu Yako na Hali?
1 Tukiwa Wakristo wa kweli, tumekubali aliko la kuwa “wavuvi wa watu.” (Mt. 4:19) Kama mvuvi halisi, inaelekea kwamba tutapata matokeo mazuri zaidi katika kazi ya kuvua watu ikiwa tunapanga programu ya kuhubiri wakati watu wanapoweza kupatikana nyumbani. Mahali pengi, miezi inayokuja mchana utakuwa mrefu. Kisha-mchana pia jioni, watu wengi wanapatikana nyumbani. Mara nyingi, wanakuwa wenye kutulia na wanaweza kupokea wageni. Je, unaweza kupatanisha programu yako na hali ili kuhubiri mnamo saa hizo?—1 Kor. 9:23.
2 Kutoa Ushahidi Jioni: Kufanya mpango wa kuhubiri katika saa za jioni kunaweza kutuwezesha tufikishie watu wengi habari njema. (Met. 21:5) Vijana wanaweza kuhubiri baada ya shule. Wengine wanaweza kufanya hivyo baada ya kazi. Vikundi fulani vya mafunzo ya kitabu vinaweza kufanya mpango ili kuhubiri muda wa saa moja kabla ya funzo la kila juma.
3 Kuhubiri nyumba kwa nyumba saa za kisha-mchana na pia za jioni kunaweza kututolea nafasi ya kuzungumza na wale ambao kwa kawaida hawako nyumbani. Katika maeneo mengi, kutoa ushahidi barabarani na namna nyingine za ushahidi wa peupe kunaweza pia kufanywa jioni. Na watu wengi wanaona saa za jioni kuwa wakati bora ili kufanya ziara za kurudia na kuanzisha mafunzo ya Biblia.
4 Utambuzi Unahitajiwa: Utambuzi mzuri unahitajiwa tunapotoa ushahidi jioni. Kwa kawaida, ni jambo bora kutembelea watu saa za jioni, kuliko kuwatembelea usiku wakati wanapojitayarisha kulala. (Flp. 4:5) Unapogonga mlangoni, simama mahali ambapo watu wanaweza kukuona, na ujitambulishe vizuri. Julisha sababu ya ziara yako bila kukawia. Ukiwafikia wakati usiofaa, kama vile wakati familia inapokuwa mezani kwa chakula, sema kwamba utarudi wakati mwingine. Wakati wote uwe mwenye kufikiria wengine.—Mt. 7:12.
5 Tunapaswa pia kuelewa hali zenye hatari. Ikiwa mnatoa ushahidi jioni au kunapokuwa giza, ni vizuri kutembea wawiliwawili au kuwa vikundi. Tembea katika njia zenye mwangaza mzuri nafasi ambapo hauko peke yako. Toa ushahidi mahali tu unapojisikia kuwa katika usalama. Epuka maeneo yasiyo na usalama kunapokuwa giza.—Met. 22:3.
6 Kutoa ushahidi wakati wa jioni kunatutolea nafasi ya kutumika pamoja na mapainia wasaidizi na wa kawaida. (Rom. 1:12) Je, unaweza kupatanisha programu yako na hali ili kushiriki katika aina hii ya utumishi?
[Maulizo ya Funzo]
1. Kwa nini tunapaswa kupatanisha programu yetu na hali ili kuhubiri?
2. Ni njia fulani gani tunazoweza kutumia ili kufikishia watu wengi habari njema?
3. Ni katika njia gani unaweza kuhubiri saa za kisha-mchana na pia za jioni katika eneo lako?
4. Kwa nini ni jambo la lazima kuonyesha utambuzi na kuwa mwenye kufikiria wengine unapotoa ushahidi jioni?
5. Tunawezaje kuepuka hali zenye hatari tunapohubiri?
6. Ni faida gani zaidi tunazoweza kupata kutokana na kutoa ushahidi wakati wa jioni?