Je, Uko Tayari Kutoa Ushahidi Kwenye Masomo?
1. Unapoanza kwenda kwenye masomo, utakuwa na nafasi gani?
1 Iwe ni mwaka wenu wa kwanza ao wa pili kuanza masomo, ninyi vijana Wakristo munapambana na magumu na mikazo mbalimbali. Hata hivyo, muna nafasi mpya ya “kutoa ushahidi juu ya ile kweli.” (Yoh. 18:37) Je, umejitayarisha vizuri ili kutoa ushahidi?
2. Ni katika njia gani umetayarishwa ili kutoa ushahidi kwenye masomo?
2 Yehova, wazazi wako, na mtumwa mwaminifu na mwenye busara wamekutolea mazoezi mengi ili kukusaidia uwe na matokeo mazuri katika kila hali ya maisha. (Met. 1:8; 6:20; 23:23-25; Efe. 6:1-4; 2 Tim. 3:16, 17) Bila shaka umejua sasa magumu unayoweza kupambana nayo kwenye masomo. Kwa kuwa umezoezwa na Yehova na umejua mambo ambayo unaweza kupambana nayo kwenye masomo, ujitayarishe basi ili kutoa ushahidi. (Met. 22:3) Fikiria kwa uzito mafundisho na mapendekezo ya Biblia yanayopatikana katika kitabu Vijana Huuliza, buku la kwanza na la pili, pia katika habari zinazohusu vijana, zinazochapishwa mara nyingi katika gazeti Amkeni!
3. Ni katika njia gani utapata nafasi ya kutoa ushahidi?
3 Eneo lako la pekee litakupa nafasi ya kutoa ushahidi kupitia njia nyingi. Wengine wanapoona mfano wako mzuri katika kuvaa na kujipamba, katika mwenendo na maneno, jinsi unavyoheshimia wanafunzi wenzako na walimu, na hata wanapoona alama zako, na kuona kwamba una maisha yenye msingi mzuri, wanaweza kukuuliza, “Kwa nini wewe uko tofauti na wengine?” (Mal. 3:18; Yoh. 15:19) Hilo linaweza kuwa nafasi ya kuwatolea ushahidi na kuwaelezea mambo unayoamini. (1 Tim. 2:9, 10) Labda katika mwaka wote utapambana na magumu wakati wa kusheherekea siku kuu za taifa na sikukuu zingine. Ikiwa watu wanakuuliza, kwa nini hausherehekee siku ya taifa, je, utasema tu kwamba “dini yangu inanikataza; mimi ni Shahidi wa Yehova,” ao, utaona kuwa hiyo ni nafasi nzuri ya kutoa ushahidi kumhusu Baba yako mpendwa Yehova? Kujitayarisha vizuri kwa kufuata mwongozo wa Yehova kutakusaidia uwe tayari kutoa ushahidi mzuri kwa walimu, wanafunzi wenzako, na wengine.—1 Pet. 3:15.
4. Kwa nini uko hakika kwamba unaweza kupata matokeo mazuri kwenye masomo?
4 Ijapokuwa unaweza kuwa na wasiwasi wa kwenda kwenye masomo, ujue kwamba kuna wengi wanaokuunga mkono ambao wanataka upate matokeo mazuri kwenye masomo. Pia, tunafurahi pamoja nawe kwa kuwa una nafasi ya kutolea wengine ushahidi katika eneo lako la pekee. Kwa hiyo, uwe hodari na tayari kutoa ushahidi kwenye masomo!