Tutumie jw.org Katika Mahubiri—Sehemu “Uwe Rafiki ya Yehova”

Sehemu “Mafundisho ya Biblia” iliyo kwenye jw.org, ina sehemu ndogo kwa ajili ya watoto yenye kichwa, “Uwe Rafiki ya Yehova.” Sehemu hiyo ina nyimbo, video, na mazoezi. Umekwisha kuitumia katika mahubiri? Ikiwa unajifunza Biblia na muzazi mwenye kuwa na watoto wadogo, ni muzuri umuonyeshe kwanza sehemu hiyo. Hilo linaweza kumuchochea afungue jw.org ili kuona habari zingine.

Wakati ndugu mumoja alikuwa anawatolea watu trakte Ujumbe wa Ufalme Na. 38, alimutolea mwanamuke mumoja trakte hiyo na mara moja akaanza kuisoma. Mwanamuke huyo alikuwa na watoto wadogo wenye walivutiwa na trakte hiyo. Ndugu alizungumuzia kwa kifupi habari yenye kuwa katika trakte hiyo, na kumuonyesha adresi yetu ya Internete iliyo nyuma ya trakte. Mwanamuke huyo akapendezwa na akawaonyesha watoto wake video moja ya Kalebu kwa kutumia chombo chake cha kielektroniki.

Dada mumoja alimuelezea mufanya-kazi mwenzake mwenye kuwa na watoto wadogo juu ya jw.org na juu ya habari zenye kuwa katika adresi hiyo kwa ajili ya familia. Mwanamuke huyo alifungua jw.org pamoja na watoto wake. Kisha muda fulani, alimuambia dada huyo kwamba watoto wake walizunguka nyumba yao wakiimba wimbo “Lihubiri Neno,” ambao ni moja kati ya nyimbo zilizo katika sehemu “Uwe Rafiki ya Yehova.”

Jikaze kujua habari zenye kupatikana katika sehemu hiyo ya jw.org, na uchukue video, nyimbo, ao mazoezi na kuyaweka katika telefone yako. Hilo litakusaidia kuwa tayari kutumia sehemu hiyo ya jw.org katika mahubiri. Hicho ni chombo kizuri sana cha kutusaidia tumutumikie Bwana!—Mdo. 20:19.