Tukomalishe Ufundi Wetu wa Kuhubiri—Tujikaze Kuwa na Watu wa Kupelekea Magazeti kwa Ukawaida

Sababu Gani Ni Lazima Kufanya Hivyo: Watu wengi wanafurahia kusoma magazeti yetu lakini hawapendi tujifunze nao Biblia. Pengine wanatosheka na dini yao, ao wanaona kwamba hawana wakati wa kujifunza. Hata hivyo, kwa sababu wanasoma magazeti yetu kwa ukawaida, wanaweza kufikia kuwa na hamu kwa ajili ya Neno la Mungu. (1 Pet. 2:2) Wanaweza kuguswa moyo na habari fulani ya pekee, ao hali zao zinaweza kubadilika. Kuwatembelea kwa muda mufupi na kwa ukawaida kutafanya wajisikie muzuri kuwa pamoja nasi na kutatusaidia tujue mambo yenye wanapenda na matatizo yao. Mwishowe, tunaweza kuanza nao funzo la Biblia.

Namna ya Kufanya:

Kila mwezi, upange kuwapelekea watu fulani magazeti Munara wa Mulinzi ao Amuka! ya sasa. Pengine unaweza kutembelea kila mumoja wao wakati mwingine katika mwezi ili kumuchochea apendezwe zaidi na habari fulani ya magazeti yenye ulimuachia ao ili kumutolea kichapo cha kuwatolea watu katika mwezi huo. Andika mambo fulani ya maana juu yake.—Soma Huduma Yetu ya Ufalme ya Mwezi wa 1, 2014, uku. 3.
Ujitayarishe kila mara mbele ya kumutembelea. Kuliko kumuachia tu magazeti, anzisha mazungumuzo naye na jaribu kufanya urafiki naye ili uchochee kupendezwa kwake.
Tambua kila nafasi yenye kujitokeza ya kuanzisha funzo la Biblia. Kama mutu fulani mwenye unapelekea magazeti kwa ukawaida anakuuliza ikiwa Biblia inasema nini juu ya habari fulani, umuletee kichapo cha funzo chenye kinatoa jibu la ulizo hilo, na uzungumuzie jibu hilo pamoja naye. Mbele uende, muulize ulizo lenye kupatana na habari mumezungumuzia na upange kumurudilia siku ingine ili kujibia ulizo hilo. Kama unafanya mazungumuzo ya Biblia, hata mafupi, pamoja na mutu mwenye kupendezwa, na kama unazungumuzia kwa ukawaida na kwa utaratibu habari fulani ukitumia Biblia ao kichapo kimoja kati ya vichapo vyenye kupendekezwa, unaongoza funzo la Biblia. Umekwisha kumutolea mwenye-nyumba broshua Habari Njema na kumuonyesha kwa kifupi namna tunajifunza Biblia na watu? Umekwisha kumuonyesha video Sababu Gani Ujifunze Biblia? na Namna Gani Tunajifunza Biblia na Watu? Hata kama zamani mutu huyo hakuwa anakubali kujifunza Biblia, hali zake zinaweza kubadilika. Sababu gani usijaribu tena?

Tumikisha Shauri Hili Katika Mwezi:

Andika majina ya watu wenye unaweza kutolea magazeti kwa ukawaida. Uwatolee magazeti ya sasa, na uwaambie kwamba utawaletea magazeti ya mwezi unaokuja.