Kujifunza Mambo Mengi Kupitia Wahubiri Wenye Uzoefu
Tunafurahia kuwa na wahubiri wenye uzoefu katika kutaniko. Wamoja kati yao wamemutumikia Yehova kwa uaminifu kwa miaka mingi. Wengine wamepata ufundi katika mahubiri hivi karibuni. Wahubiri hao wamejionea kwamba Yesu anaongoza kutaniko la Kikristo katika siku hizi za mwisho kwa sababu kazi ya kuhubiri na kufanya wanafunzi imeongezeka. (Mat. 28:19, 20) Ndugu na dada hao wanapokea ‘nguvu zenye kupita za kawaida’ wakati wanapambana na majaribu mbalimbali katika mahubiri. (2 Kor. 4:7) Kuna mambo mengi ya kujifunza kupitia wahubiri hao wenye uzoefu. Wako tayari kutufundisha mambo yenye wamejifunza kama tunapitisha wakati pamoja nao. (Zab. 71:18) Kwa hiyo, tunapaswa kutafuta nafasi ili tujifunze mambo mengi kupitia ndugu na dada hao. Tuko na nafasi gani?
Kuhubiri Pamoja Nao: Wahubiri wapya na wenye hawana uzoefu wanahitaji kuzoezwa ili wakuwe wahubiri wazuri. Wanaweza kujifunza mambo mengi kwa kuangalia namna wahubiri wenye uzoefu wanapambana na hali mbalimbali katika mahubiri. (Ona Munara wa Mulinzi wa tarehe 15/02/2015, uku. 16,fu. 2.) Umepata faida gani wakati ulihubiri na wahubiri wenye uzoefu?
Upange kuhubiri na muhubiri mwenye uzoefu. Kama muhubiri huyo iko na matatizo ya afya, wakati fulani unaweza kuja na wanafunzi wako kwake ili mujifunze nao. Kisha funzo, umuombe muhubiri huyo mwenye uzoefu akupatie mashauri.
Kupitisha Wakati Pamoja Nao: Upitishe wakati pamoja na wahubiri wenye uzoefu ili uwajue muzuri. Ualike mumoja kati yao kwenye ibada yenu ya familia na umuulize maulizo. Kama muhubiri huyo iko na matatizo ya afya, munaweza kupanga ili ibada yenu ya familia ifanyike kwake. Umuulize namna gani alifikia kuwa Shahidi. Amepata baraka gani? Amejionea maendeleo gani katika tengenezo la Yehova katika eneo lenu? Anafurahia nini katika kazi ya Yehova?
Hata kama wahubiri wenye uzoefu wana vipaji ao zawadi mbalimbali katika kazi ya kuhubiri, wao pia ni watu wenye hawakamilike kama sisi; kwa hiyo, tusitazamie kwao mambo mengi kupita kiasi. (Rom. 12:6-8) Wamoja kati yao wamezeeka na hilo linaweza kufanya wasipitishe wakati mwingi pamoja na sisi. Hata hivyo, tunaweza kujifunza mambo mengi kupitia ndugu na dada hao waaminifu wenye uzoefu mwingi.