Musaada kwa Wafanyakazi wa Hopitale Wenye Kupiganisha Mahangaiko
Bryn, mwenye anaishi Kaskazini mwa Carolina, Amerika, ni mushiriki wa Halmashauri na Uhusiano na Hopitale. Anatumikaka na hopitale mbalimbali juu ya kuhangaikia Mashahidi wa Yehova wakati wanagonjwa.
Juu ya ugonjwa wa Coronavirus, hopitale mingi haziruhusu watu watembelee wagonjwa. Bryn aliita musimamizi wa programu ya kufariji wagonjwa ku hopitale fulani juu ajue namna angeweza kutegemeza Mashahidi wenye walikuwa wagonjwa mu ile hopitale.
Bry aliweza kuongea na musaidizi wa ule musimamizi. Juu haikuruhusiwa kutembelea wagonjwa, Bryn aliomba wapatie namba yake ya telefone Mashahidi wenye walikuwa wagonjwa juu aweze kuzungumuza nao. Walikubali ombi yake.
Kisha, Bryn alifikiria wafanyakazi wa hopitale. Alimuambia ule musaidizi kama anasamini sana na kazi yenye ile hopitale iko nafanya na kama anatumaini kuwa wafanyakazi wote wako na afya ya muzuri. Aliongeza kuwa, amesoma kama watu fasi yote, zaidi sana wafanyakazi wa hopitale, wako na mahangaiko sana juu ya ugonjwa wa Coronavirus.
Ule musaidizi naye alisema kama ugonjwa wa Coronavirus umeleta mahangaiko ya mingi sana kwa wafanyakazi wa hopitale.
Kisha Bryn alisema: “Site yetu ya Enternete iko na habari zenye zinaweza kusaidia watu wapiganishe mahangaiko. Kama unaenda ku jw.org na unaandika neno ‘mahangaiko’ fasi ya kutafutia habari, utapata habari fulani zenye zinaweza kutia moyo wale wenye unatumikaka nao.”
Wakati walikuwa nazungumuza, mara moya ule musaidizi alifungula site yetu, na akaandika neno “mahangaiko” fasi ya kutafutia habari, na akaona habari mbalimbali zenye zinazungumuzia mahangaiko. Akashangala na kusema: “Nitaonyesha hii site musimamizi wangu. Hii itasaidia wafanyakazi wetu na wengine. Nitachapisha kopi fulani na kupatia wengine.”
Kisha majuma fulani, Bryn alizungumuza na musimamizi, mwenye alihakikisha kama walienda ku ile site na kama walichapisha habari fulani zenye kuzungumuzia mahangaiko na zingine zenye kuzifanana. Walikuwa wamezipatia wanganga na wafanyakazi wengine wa hopitale.
Bryn alisema: “Musimamizi alinishukuru sana juu ya kazi yetu na juu ya zile habari zenye kuandikwa muzuri. Alisema kama ziliwasaidia sana.”