Cha Kwanza cha Samweli
6 Sanduku+ la Yehova lilikuwa katika eneo la Wafilisti kwa miezi saba (7). 2 Wafilisti wakaita makuhani na waaguzi+ na kuuliza: “Tufanyie nini Sanduku la Yehova? Mutuambie namna tunapaswa kulirudisha mahali pake.” 3 Wakajibu: “Kama munarudisha sanduku la agano la Yehova, Mungu wa Israeli, musilirudishe bila toleo. Musikose kulirudisha kwake pamoja na toleo la hatia.+ Ni kwa kufanya vile tu ndio mutaponyeshwa, na mutajulishwa sababu gani mukono wake haujatoka juu yenu.” 4 Kwa hiyo wakauliza: “Tunapaswa kumutumia toleo gani la hatia?” Wakasema: “Kulingana na hesabu ya mabwana wa Wafilisti,+ mutume emoroide* tano (5) za zahabu na panya tano wa zahabu, kwa maana kila mumoja wenu pamoja na mabwana wenu wamepatwa na pigo lilelile. 5 Munapaswa kutengeneza sanamu za emoroide* zenu na sanamu za panya wenu+ wenye wanaharibu inchi, na munapaswa kumuheshimia Mungu wa Israeli. Pengine atapunguza uzito wa mukono wake wenye uko juu yenu na juu ya mungu wenu na juu ya inchi yenu.+ 6 Sababu gani mufanye moyo wenu kuwa mugumu kama vile Misri na Farao walifanya mioyo yao kuwa migumu?+ Wakati Yeye aliwatendea kwa ukali,+ walilazimika kuruhusu Israeli waende, nao wakaondoka.+ 7 Sasa mutayarishe gari la mupya la kukokotwa na ngombe wawili wenye wako na vitoto-dume na wenye hawajakuwa hata siku moja chini ya nira. Kisha mufungie ngombe hao kwenye gari hilo, lakini murudishe vitoto-dume hivyo nyumbani, mbali na ngombe hao. 8 Muchukue Sanduku la Yehova na kulitia juu ya gari hilo, na mutie ndani ya sanduku lingine pembeni yake vitu vya zahabu vyenye munamutumia kuwa toleo la hatia.+ Kisha mulitume 9 na muangalie: Kama linapanda kwenye barabara yenye inaelekea Bet-shemeshi,+ kwenye eneo lake, basi yeye ndiye ametutendea uovu huu mukubwa. Lakini kama halipande kule, tutajua kwamba haiko mukono wake ndio ulitupiga; ni jambo lenye lilitokea tu.”
10 Watu hao wakafanya vile. Wakachukua ngombe wawili wenye kuwa na vitoto-dume na wakawafungia kwenye gari hilo, na vitoto-dume vya ngombe hao wakavifungia nyumbani ndani ya zizi.* 11 Kisha wakatia Sanduku la Yehova juu ya gari hilo, pamoja na sanduku lenye panya wa zahabu na sanamu za emoroide* zao. 12 Na ngombe hao wakaenda moja kwa moja kwenye barabara yenye inaelekea Bet-shemeshi.+ Walibakia kwenye barabara hiyo kubwa, na walikuwa wanalia wakati walikuwa wanaenda; hawakugeukia kuume wala kushoto. Wakati huo wote mabwana wa Wafilisti walikuwa wanatembea nyuma yao kufikia kwenye mupaka wa Bet-shemeshi. 13 Watu wa Bet-shemeshi walikuwa wanavuna mavuno ya ngano katika bonde tambarare.* Wakati waliinua macho yao na kuona lile Sanduku, wakashangilia sana kuliona. 14 Gari hilo likafika kwenye shamba la Yoshua Mubet-shemeshi na likasimama pale karibu na jiwe kubwa. Kwa hiyo wakapasua mbao za gari hilo, na wakatoa ngombe hao+ kuwa toleo la kuteketezwa kwa Yehova.
15 Walawi+ wakashusha Sanduku la Yehova na sanduku lenye lilikuwa pamoja nalo, lenye ndani yake mulikuwa vile vitu vya zahabu, na wakavitia juu ya lile jiwe kubwa. Watu wa Bet-shemeshi+ wakamutolea Yehova matoleo ya kuteketezwa na kumufanyia zabihu siku hiyo.
16 Wakati mabwana tano (5) wa Wafilisti waliona hayo, wakarudia Ekroni siku hiyo. 17 Basi hizi ndizo emoroide* za zahabu zenye Wafilisti walimutumia Yehova kuwa toleo la hatia:+ moja kwa ajili ya Ashdodi,+ moja kwa ajili ya Gaza, moja kwa ajili ya Ashkeloni, moja kwa ajili ya Gati,+ moja kwa ajili ya Ekroni.+ 18 Na hesabu ya panya wa zahabu ililingana na hesabu ya miji yote ya Wafilisti yenye ilikuwa ya mabwana tano (5)—miji yenye ngome na vijiji vya eneo la mashamba.
Na jiwe kubwa lenye waliweka Sanduku la Yehova juu yake ni ushahidi mupaka leo katika shamba la Yoshua Mubet-shemeshi. 19 Lakini Mungu akapiga na kuua watu wa Bet-shemeshi, kwa sababu walikuwa wameangalia Sanduku la Yehova. Alipiga na kuua elfu makumi tano na makumi saba (50 070)* kati ya watu, na watu wakaanza kuomboleza kwa sababu Yehova alikuwa amewapiga na kuwaua kwa mauaji makubwa.+ 20 Kwa hiyo watu wa Bet-shemeshi wakauliza: “Ni nani ataweza kusimama mbele ya Yehova, huyu Mungu mutakatifu,+ na ataenda kwa nani wakati atatoka kwetu?”+ 21 Kwa hiyo wakatuma wajumbe kwa wakaaji wa Kiriat-yearimu,+ na kusema: “Wafilisti wamerudisha Sanduku la Yehova. Mushuke na kupanda nalo.”+