Cha Kwanza cha Samweli
7 Kwa hiyo watu wa Kiriat-yearimu wakakuja na wakachukua Sanduku la Yehova na kulipandisha katika nyumba ya Abinadabu+ juu ya kilima, na wakamutakasa Eleazari mwana wake ili alinde Sanduku la Yehova.
2 Wakati murefu ukapita, jumla ya miaka makumi mbili (20), tangu siku Sanduku hilo lilifika Kiriat-yearimu, na nyumba yote ya Israeli ikaanza kumutafuta* Yehova.+ 3 Kisha Samweli akaambia nyumba yote ya Israeli: “Kama munamurudilia Yehova kwa moyo wenu wote,+ muondoe miungu ya kigeni+ na sanamu za Ashtoreti+ kati yenu, na muelekeze moyo wenu kwa Yehova bila kuyumba-yumba na mumutumikie yeye peke yake,+ na atawaokoa katika mukono wa Wafilisti.”+ 4 Kwa hiyo Waisraeli wakaondoa Mabaali na sanamu za Ashtoreti na wakamutumikia Yehova peke yake.+
5 Kisha Samweli akasema: “Mukusanye Israeli wote kule Mispa,+ na nitasali kwa Yehova kwa ajili yenu.”+ 6 Kwa hiyo wakakusanyika pamoja kule Mispa, na wakashota maji na kuyamwanga mbele ya Yehova na wakafunga siku hiyo.+ Wakiwa kule wakasema: “Tumemutendea Yehova zambi.”+ Na Samweli akaanza kutumika akiwa muamuzi+ juu ya Waisraeli katika Mispa.
7 Wakati Wafilisti walisikia kwamba Waisraeli wamekusanyika pamoja kule Mispa, mabwana wa Wafilisti+ wakapanda ili kushambulia Waisraeli. Wakati Waisraeli walisikia habari hiyo, wakaogopa kwa sababu ya Wafilisti. 8 Kwa hiyo Waisraeli wakamuambia Samweli: “Usiache kumuomba Yehova Mungu wetu ili atusaidie+ na kutuokoa katika mukono wa Wafilisti.” 9 Basi Samweli akakamata mwana-kondoo mwenye kunyonya na kumutoa kuwa toleo nzima la kuteketezwa+ kwa Yehova; na Samweli akamuomba Yehova asaidie Waisraeli, na Yehova akamujibu.+ 10 Wakati Samweli alikuwa anatoa toleo hilo la kuteketezwa, Wafilisti wakakaribia ili kupigana na Israeli. Basi siku hiyo Yehova akaletea Wafilisti mungurumo mukubwa sana,+ Naye akawatia katika muvurugo,+ na wakashindwa mbele ya Israeli.+ 11 Kwa hiyo wanaume wa Israeli wakatoka Mispa na kufuatilia Wafilisti, wakawapiga na kuwaua mupaka upande wa kusini wa Bet-kari. 12 Kisha Samweli akakamata jiwe+ na kuliweka kati ya Mispa na Yeshana, na akaliita Ebenezeri,* kwa kuwa alisema: “Yehova ametusaidia mupaka sasa.”+ 13 Kwa hiyo Wafilisti wakatiishwa, na hawakukuja tena katika eneo la Israeli;+ na mukono wa Yehova ukaendelea kupiga Wafilisti siku zote za Samweli.+ 14 Pia, miji yenye Wafilisti walikuwa wamekamata kutoka kwa Israeli ikarudishwa kwa Israeli, kuanzia Ekroni mupaka Gati, na Israeli wakakomboa eneo lao katika mukono wa Wafilisti.
Pia kukakuwa amani kati ya Israeli na Waamori.+
15 Samweli akaendelea kuhukumu Israeli maisha yake yote.+ 16 Kila mwaka alisafiri na kuzunguka Beteli,+ Gilgali,+ na Mispa,+ na alihukumu Israeli katika maeneo hayo yote. 17 Lakini alikuwa anarudia Rama,+ kwa sababu nyumba yake ilikuwa kule, na pia alihukumu Israeli kule. Alimujengea Yehova mazabahu kule.+