Cha Pili cha Wafalme

25 Katika mwaka wa kenda (9) wa utawala wa Sedekia, katika mwezi wa kumi (10), katika siku ya kumi ya mwezi huo, Mufalme Nebukadneza+ wa Babiloni alikuja pamoja na jeshi lake lote ili kushambulia Yerusalemu.+ Alipiga kambi juu yake na kujenga ukuta wa kuzunguka kwa ajili ya vita kuizunguka pande zote,+ 2 na muji ukazungukwa kwa ajili ya vita mupaka mwaka wa kumi na moja (11) wa utawala wa Mufalme Sedekia. 3 Katika siku ya kenda (9) ya mwezi wa ine (4) njaa ikakuwa kali+ katika muji, na hapakukuwa chakula kwa ajili ya watu wa inchi.+ 4 Ukuta wa muji ulitobolewa tundu kubwa,+ na maaskari wote wakakimbia usiku kupitia mulango mukubwa wenye kuwa kati ya zile kuta mbili karibu na bustani ya mufalme, wakati Wakaldayo walikuwa wanazunguka muji; na mufalme akaenda kupitia njia ya Araba.+ 5 Lakini jeshi la Wakaldayo likamufuatilia mufalme, na wakamufikia katika maeneo tambarare ya jangwa la Yeriko, na maaskari wake wote wakatawanyika na kutoka pembeni yake. 6 Kisha wakamukamata mufalme+ na kumuleta mupaka kwa mufalme wa Babiloni kule Ribla, na wakamuhukumu. 7 Wakaua wana wa Sedekia mbele ya macho yake; kisha Nebukadneza akapofusha macho ya Sedekia, akamufunga kwa pingu za shaba, na akamupeleka Babiloni.+

8 Katika mwezi wa tano (5), katika siku ya saba (7) ya mwezi huo, ni kusema, katika mwaka wa kumi na kenda (19) wa Mufalme Nebukadneza wa Babiloni, Nebuzaradani+ mukubwa wa walinzi, mutumishi wa mufalme wa Babiloni, alikuja Yerusalemu.+ 9 Akateketeza kabisa nyumba ya Yehova kwa moto,+ nyumba ya mufalme,+ na nyumba zote za Yerusalemu;+ akateketeza pia kwa moto nyumba ya kila mutu wa maana.+ 10 Na kuta zenye kuzunguka Yerusalemu zilibomolewa kabisa na jeshi lote la Wakaldayo lenye lilikuwa pamoja na mukubwa wa walinzi.+ 11 Nebuzaradani mukubwa wa walinzi akapeleka katika uhamisho watu wengine wenye walibakia wenye waliachwa katika muji, wale wenye walikimbia na kuenda kwa mufalme wa Babiloni, na watu wengine wenye walibakia.+ 12 Lakini mukubwa wa walinzi akaacha wamoja kati ya watu maskini sana wa inchi watumike wakiwa watunza-mizabibu na wafanyakazi wa kulazimishwa.+ 13 Na Wakaldayo wakavunja vipande-vipande zile nguzo za shaba+ za nyumba ya Yehova na yale magari+ na ile Bahari ya shaba+ vyenye vilikuwa katika nyumba ya Yehova, na wakapeleka shaba hiyo Babiloni.+ 14 Walikamata pia makopo, vipao,* vizimisha-moto, vikombe, na vyombo vyote vya shaba vyenye vilitumiwa katika utumishi wa hekalu. 15 Mukubwa wa walinzi alikamata vyetezo na mabakuli yenye yalikuwa ya zahabu+ na feza ya kweli.+ 16 Na zile nguzo mbili, ile Bahari, na yale magari yenye Sulemani alikuwa ametengeneza kwa ajili ya nyumba ya Yehova, shaba ya vyombo hivi vyote haingeweza kupimwa.+ 17 Kila nguzo ilikuwa na urefu wa mikono* kumi na munane (18),+ na kifuniko cha nguzo chenye kilikuwa juu yake kilikuwa cha shaba; na urefu wa kifuniko hicho ulikuwa wa mikono tatu (3), na wavu* na makomamanga kuzunguka kifuniko pande zote, vyote vilitengenezwa kwa shaba.+ Nguzo ya pili pamoja na wavu wake ilikuwa vilevile.

18 Mukubwa wa walinzi alikamata pia Seraya+ mukubwa wa makuhani, Sefania+ kuhani wa pili, na wale walinzi watatu (3) wa milango.+ 19 Na alikamata kutoka katika muji ofisa mumoja wa makao ya mufalme mwenye alikuwa musimamizi wa maaskari, watu tano (5) wenye walishirikiana kwa ukaribu na mufalme wenye walipatikana katika muji, na pia mwandishi wa mukubwa wa jeshi, mwenye kukusanya watu wa inchi, na watu makumi sita (60) kutoka kati ya watu wa kawaida wa inchi wenye walikuwa wangali katika muji. 20 Nebuzaradani+ mukubwa wa walinzi akawakamata na kuwapeleka kwa mufalme wa Babiloni kule Ribla.+ 21 Mufalme wa Babiloni akawapiga na kuwaua kule Ribla katika inchi ya Hamati.+ Basi Yuda wakaenda katika uhamisho kutoka katika inchi yao.+

22 Mufalme Nebukadneza wa Babiloni akamuweka Gedalia+ mwana wa Ahikamu+ mwana wa Shafani+ asimamie watu wenye aliacha katika inchi ya Yuda.+ 23 Wakati wakubwa wote wa jeshi na watu wao walisikia kwamba mufalme wa Babiloni alikuwa amemuweka Gedalia, mara moja wakaenda kwa Gedalia kule Mispa. Walikuwa Ishmaeli mwana wa Netania, Yohanani mwana wa Karea, Seraya mwana wa Tanhumeti Munetofa, na Yaazania mwana wa Mumaakati, pamoja na watu wao.+ 24 Gedalia akawaapia kiapo, wao pamoja na watu wao na akawaambia: “Musiogope kuwa watumishi wa Wakaldayo. Mukae katika inchi na mumutumikie mufalme wa Babiloni, na mambo yatakuwa muzuri kwenu.”+

25 Na katika mwezi wa saba (7), Ishmaeli+ mwana wa Netania mwana wa Elishama, mwenye alikuwa wa ukoo wa kifalme,* akakuja pamoja na watu wengine kumi (10), na wakamupiga Gedalia na akakufa, yeye pamoja na Wayahudi na Wakaldayo wenye walikuwa pamoja naye katika Mispa.+ 26 Kisha watu wote, kuanzia mudogo mupaka mukubwa, kutia ndani wakubwa wa jeshi, wakasimama na kuenda Misri,+ kwa maana waliogopa Wakaldayo.+

27 Na katika mwaka wa makumi tatu na saba (37) wa uhamisho wa Mufalme Yehoyakini+ wa Yuda, katika mwezi wa kumi na mbili (12), katika siku ya makumi mbili na saba (27) ya mwezi huo, Mufalme Evil-merodaki wa Babiloni, katika mwaka wenye alikuwa mufalme, akamuachilia huru* Mufalme Yehoyakini wa Yuda kutoka katika gereza.+ 28 Alisema naye kwa fazili na akaweka kiti chake cha ufalme juu zaidi kuliko viti vya wafalme wengine wenye walikuwa pamoja naye katika Babiloni. 29 Basi Yehoyakini akavua nguo zake za gereza, na alikuwa anakula kwa ukawaida mbele yake siku zote za maisha yake. 30 Alikuwa anapewa kwa ukawaida posho ya chakula kutoka kwa mufalme, siku kwa siku, siku zote za maisha yake.