Ili kusaidia watu wajue kusoma na kuandika, kopi nyingi sana za kitabu Jitahidi Kusoma na Kuandika zimechapishwa katika luga zaidi ya 100

Kufundisha Watu Kusoma na Kuandika Kupitia Programu ya Kujifunza Biblia

“Kujua kusoma na kuandika ni haki ya kila mutu, jambo hilo linasaidia mutu kuwa na uwezo, na ni njia yenye inamuwezesha kufanya maendeleo katika maisha yake na pamoja na watu wengine.”—UNESCO.a

RIPOTI zinaonyesha kama katika dunia yote, watu zaidi ya milioni 700 wenye miaka 15 na zaidi hawajue kusoma ao kuandika. Kwa hiyo, hawana uwezo wa kujua mambo mengi. Kati ya mambo hayo kuko mafundisho ya Biblia juu ya mwenendo muzuri na mafundisho mengine yenye kuwa katika Biblia, ambayo “yaliandikwa ili kutufundisha.” (Waroma 15:4) Ndiyo sababu katika inchi nyingi, Mashahidi wa Yehova wanafundisha watu kusoma na kuandika katika programu yao ya kujifunza na watu Biblia, na wanafanya hayo yote bila kulipisha. Programu hiyo imekuwa na matokeo ya muzuri?

Fikiria kazi ya Mashahidi wa Yehova katika inchi ya Meksiko, kwenye watu wengi sana wanazungumuza luga ya Kihispania. Kuanzia mwaka wa 1946, Mashahidi wa Yehova wamefundisha watu zaidi ya 152000 kusoma na kuandika, wanafunzi wengi kati yao wamekuwa pia walimu. Serikali imetumia Mashahidi wa Yehova barua nyingi ili kuwashukuru kwa ajili ya kazi yao. Barua moja ilisema hivi: “Kikundi Chenye Kuangalia Mambo ya Masomo kinatambua kama munasaidia katika Programu ya Kufundisha Watu Wazima na kinawapongeza kwa ajili ya jambo hilo.”

Watoto na watu wazima wamepata faida kupitia programu ya kufundisha watu kusoma na kuandika. Kwa mufano, Josefina alikuwa na miaka 101 wakati alijiandikisha kwenye masomo hayo. Kisha miaka mbili alijua muzuri kusoma na kuandika!

Hata kama luga kubwa ya Meksiko ni Kihispania, masomo ya kujifunza kusoma na kuandika hayafanywe katika luga hiyo tu. Katika mwaka wa 2013, kupitia programu hiyo, watu wa makabila munane ya kienyeji walijifunza kusoma na kuandika katika luga zao za kizalikio.

Kwa kweli, kujua kusoma na kuandika ni njia ya muzuri ya kujifunza mambo mengi ya mupya. Lakini zaidi ya yote, kusoma na kuandika kunasaidia watu wa namna zote kusoma Biblia, kitabu chenye kiliongozwa na roho ya Mungu. Kitabu hicho kinaweza kuwaweka huru kutoka katika utumwa wa mambo ya uchawi, mafundisho ya uongo ya dini, na tabia yenye kuumiza.—Yohana 8:32.

a Shirika la Umoja wa Mataifa la Elimu, Sayansi, na Utamaduni.

ALISHANGAZA FAMILIA YAKE

Daniel alijifunza Luga ya Ishara ya Meksiko kupitia DVD

Daniel alikuwa kiziwi na hangeweza kusema muzuri. Mara nyingi hilo lilifanya avunjike moyo na kuwafokea watu wa familia yake. Wakati Daniel alikuwa na miaka karibu 23, Shahidi wa Yehova mwenye kuitwa Josué alianza kumufundisha Biblia, kwanza kwa kutumia ishara na michoro (dessins). Kisha, Daniel alijifunza Luga ya Ishara ya Meksiko kwa kutumia video mbalimbali.b

Daniel alichukua kwa uzito mafundisho ya Biblia. Alionyesha kile Biblia inaita ‘utu mupya,’ wenye kuonyeshwa kupitia sifa kama vile ‘huruma, fazili, unyenyekevu wa akili, upole, na ustahimilivu.’ (Wakolosai 3:10, 12) Tena, Daniel alichukua kwa uzito shauri la Biblia la kutii wazazi na kuwaheshimu. (Waefeso 6:1, 2) Familia yake ilishangaa! Mama ya Daniel akiwa mwenye kutoa machozi, alimushukuru Josué kwa kusaidia mutoto wake ajue mambo ya Mungu. Katika mwaka wa 2007, Daniel alibatizwa na kuwa Shahidi wa Yehova.

b Katika Meksiko, vichapo 46 vya Mashahidi wa Yehova vinapatikana kwenye DVD katika Luga ya Ishara ya Meksiko. Adresi yetu ya Internete, jw.org, iko na habari katika luga za ishara karibu 80. Ili kusaidia vipofu, vichapo vinapatikana pia katika Maandishi ya Vipofu.