Kusaidia Watu mu Dunia Yote Wajue Kusoma na Kuandika

Agostinho, mwenye kuishi Brazilia anasema hivi: “Nilikomalia mu maeneo ya mashamba. Tulikuwa maskini kabisa. Nilipaswa kuacha Masomo juu nianze kutumika na kusaidia familia yetu.” Ni wakati alikuwa na miaka 33 njo alijua kusoma na kuandika. Anasema hivi: “Kujifunza kusoma na kuandika kulifanya niheshimiwe zaidi.

Agostinho iko kati ya watu zaidi ya 250 000 wenye Mashahidi wa Yehova wamesaidia kujua kusoma na kuandika mu miaka zaidi ya 70. Juu ya nini Mashahidi wa Yehova wanafanya ile Masomo? Namna gani watu wamefaidika nayo?

Ni Nguvu Kujifunza Mambo Kama Haujue Kusoma na Kuandika

Katikati ya miaka ya 1930, Mashahidi wa Yehova walikuwa wanahubiri mu mainchi 115. Juu ya kuhubiria watu wenye walikuwa wanasema luga tofauti, wamisionere walikuwa wanawawekea rekodi za hotuba mbalimbali, na katika hali zingine waliwatolea vichapo mu luga yao. Watu wengi walipendezwa, lakini juu hawakujua kusoma na kuandikia, ilikuwa nguvu kuendelea kujifunza.

Watu wanakuwa na shida sana ya kujifunza namna ya kutumikisha kanuni za Biblia juu hawajue kusoma. (Yoshua 1:8; Zaburi 1:2, 3) Wanakuwa pia na matatizo ya kutimiza madaraka yao ya Kikristo mu familia. Kwa mufano, kama wazazi hawajue kusoma, watakuwa na shida sana ya kufundisha watoto wao Biblia. (Kumbukumbu la Torati 6:6, 7) Na Mashahidi wa Yehova wenye walibatizwa hivi karibuni, wenye hawajue kusoma, hawatakuwa na uwezo ya mingi ya kutumia Biblia wakati wanapenda kufundisha watu wengine.

Kampanye ya Kufundisha Watu Kusoma na Kuandika inaanza

Mu miaka ya 1940 na 1950, Nathan Homer Knorr na Milton George Henschel, ndugu wawili kati ya wale wenye walikuwa wanasimamia kazi za Mashahidi wa Yehova, walisafiri mu mainchi mbalimbali ili kusaidia kupanga kazi ya kuhubiri. Mu mainchi kwenye watu wengi hawakujua kusoma na kuandika, wale ndugu walitia moyo ndugu wa biro za tawi kuanzisha masomo ya kusoma na kuandika mu makutaniko.

Biro za tawi zilituma maagizo mu makutaniko kuhusu namna ya kuongoza ile masomo. Mu mainchi fulani, serikali zilikuwa na vitabu na programu za kufundisha zenye Mashahidi wangeweza kutumia. Kwa mufano katika Brazilia, biro ya tawi ilipokea vitabu na vifaa vingine vyenye serikali iliwapatia na walivituma mu makutaniko. Mu mainchi ingine, Mashahidi walianzisha programu yao ya kufundisha watu kusoma na kuandika.

Ile masomo ilikuwa kwa ajili ya kila mutu, ikuwe mwanume ao mwanamuke, kijana ao mutu mwenye kuzeeka. Kusudi yake ilikuwa kufundisha wanafunzi kusoma mu luga yao ya kizalikio, hata kama ile iliomba kufundisha mu maluga ya mingi mu kutaniko moja.

Programu Yenye Inasaidia Watu

Ile programu ililetea watu faida gani? Dada moja wa Meksiko anasema: “Sasa naweza kuelewa Biblia, na ile inafanya iguse moyo wangu. Kujua kusoma kumenisaidia nikuwe nazungumuza na majirani kwa uhuru wote, na kumenisaidia nihubirie watu wengi.”

Programu ya kusoma na kuandika inasaidia watu wajue mambo ya mingi zaidi ya kujua tu mafundisho ya Biblia. Isaac wa Burundi alisema: “Kujifunza kusoma na kuandika kumenisaidia nipate ufundi mu mambo ya kujenga. Sasa kazi ya kujenga inakuwa kazi yangu ya maisha, na najua sasa kusimamia kazi ya majengo makubwa-makubwa.”

Jesusa wa Peru alikuwa na miaka 49 wakati alianza kusoma ile masomo. Anasema: “Kwa kuwa niko mwanamuke, napaswa kusoma bei na majina ya vitu mu soko. Zamani, ile ilikuwa shida sana. Lakini juu ya hii masomo, wakati niko nauza vitu kwa ajili ya familia yangu, nafanya vile bila shida yoyote.”

Kwa miaka mingi, wakubwa wa serikali wamesifu Mashahidi wa Yehova juu ya kazi yao ya kusaidia watu wajue kusoma na kuandika. Mupaka leo, Mashahidi wa Yehova wangali wanafanya ile masomo. Wako wanatumia programu na vifaa vyenye wanaendelea kufanya kuwa muzuri zaidi juu ya kufundisha watu kusoma na kuandika. Wamechapisha pia karibu broshua milioni 224 mu maluga 720 ili kusaidia watu wajifunze kusoma ao kusaidia wale wenye kuwa na elimu kidogo.a